दिउँसो ३ बजे प्रधानमन्त्री ओलीले देशवासीका नाममा सम्बोधन गर्दै

काठमाडौं । प्रधानमन्त्री केपी शर्मा ओलीले आज दिउँसो देशबासीलाई सम्बोधन गर्नेभएका छन् ।

आइतबार प्रतिनिधिसभा विघटन गरेका ओलीले पछिल्लो राजनीतिक घटनाक्रमबारे प्रष्ट पार्न देशवासीलाई सम्बोधन गर्न लागेको उनको सचिवालयले जनाएको छ । त्यसक्रममा ओलीले संसद विघटन र नयाँ निर्वाचन किन गर्नुपर्यो भन्नेबारे जानकारी गराउनेछन् ।

प्रधानमन्त्रीको सम्बोधन दिउँसो ३ बजे नेपाल टेलिभिजन र रेडियो नेपालबाट प्रत्यक्ष प्रसारण हुनेछ ।

यसअघि सोमबार बिहान ओलीले आफुनिकट सांसदहरुलाई सम्बोधन गर्दै देशी विदेशी षड्यन्त्रबाट आफुलाई घेरावन्दीमा पार्न खोजिएपछि ताजा जनादेशमा जानुपरेको बताएका थिए । उनले सांसदहरुलाई तीन वर्षसम्म सरकारले गरेको कामबारे प्रचार गर्दै जनतासँग जान निर्देशन दिएका थिए ।