१४९० नयाँ कोरोना संक्रमित थपिए, १५६७ संक्रमण मुक्त, ९ जनाको मृत्यु

काठमाडौं । बुधबार कोरोना भाइरसका थप १ हजार ४९० नयाँ संक्रमित थपिएका छन् ।

स्वास्थ्य तथा जनसंख्या मन्त्रायलले आयोजना गर्ने बुधबारको पत्रकार सम्मेलनमा प्रवक्ता डा. जागेश्वर गौतमले १ हजार ४९० जनालाई संक्रमण पुष्टि भएको जानकारी दिएका हुन् ।

प्रवक्ता गौतमका अनुसार हालसम्म २ लाख ३६ हजार २४६ जनामा संक्रमण भएको छ ।

जसमध्ये २ लाख १८ हजार १६१ जना संक्रमण मुक्त भएका छन् । १ हजार ५३८ जनाको मृत्यु भएको छ । अझै पनि १६ हजार ५४७ जना संक्रमित आइसोलेसनमा रहेका छन् ।

प्रवक्ता गौतमका अनुसार बुधबार ९ जनाको मृत्यु भएको छ भने १ हजार ५६७ जना निको भएका छन् ।

विभिन्न क्वारेन्टिन केन्द्रमा ६०५ जना व्यक्ति रहेका छन् ।