नेपालगन्ज । दाङको लमहीबाट उपचारका लागि भेरी अस्पताल नेपालगन्ज भर्ना भएका एक जना कोरोना संक्रमितको मृत्यु भएको छ ।
गत १३ गते कोरोना संक्रमण पुष्टि भएपछि १४ गते भेरी अस्पताल नेपालगन्ज भर्ना भएका लमही नगरपालिका १० का ६४ वर्षिय पुरुषको साँझ ९ बजे मृत्यु भएको कोभिड १९ संकट व्यवस्थापन केन्द्र बाँकेले जनाएको छ ।
मृतकलाई अक्सीजन, भेन्टिलेटर, एन्टिबायोटिक लगायत सबै प्रबिधिबाट उपचार गराउँदा पनि बचाउन नसकिएको संकट व्यवस्थापन केन्द्र बाँकेका कोरोना फोकलपर्शन नरेश श्रेष्ठले जानकारी दिए ।
आज मृत्यु भएसँगै बाहिरी जिल्लाबाट बाँकेमा उपचारकालागि आएर मृत्यु हुनेको संख्या २४ पुगेको छ ।
प्रतिक्रिया