काठमाडौं । संविधान दिवसको अवसरमा स्वदेश सङ्गै बिदेशमा पनि नेपालीहरुले बिबिध कार्यक्रमहरु गर्ने गरेका छन् । अन्तराष्ट्रका बिभिन्न देशमा भएका राजदुतावासहरुले संबिधान दिवसका अवसर पारेर बिबिध कार्यक्रम गर्ने गर्दछन् । यस वर्ष पनि संबिधान दिवसका अवसरमा युएईस्थित नेपाली दूतावासले संयुक्त अरब इमिरेट्स (युएई) को दुबईस्थित संसारकै सबैभन्दा अग्लो भवन बुर्ज खलिफामा नेपालको राष्ट्रिय झण्डा फहराउने भएको छ ।
संविधान दिवसको अवसरमा दुबईस्थित संसारकै अग्लो भवनमा नेपालको राष्ट्रिय झण्डा फहराईने युएईस्थित नेपाली दूतावासले जनाएको छ ।
दूतावासले एक विज्ञप्ति जारी गर्दै आज (शनिबार) साँझ ८ बजे दुबईस्थित बुर्ज खलिफा र अबुधाबीस्थित एडनोक भवनमा नेपालको राष्ट्रिय झण्डा फहराउने कार्यक्रम तय भएको जनाएको छ ।
दूतावासको अनुरोधमा अघिल्लो वर्ष पनि संविधान दिवसको अवसरमा सो भवनमा पहिलोपटक नेपालको राष्ट्रिय झण्डा फहराईएको थियो । सन् २०१० जनवरी ४ देखि सर्वसाधारणका लागि खुला गरिएको बुर्ज खलिफा भवनको उचाई ८२९.८ मिटर छ । दुतावासका अनुसार ईलेक्ट्रिक प्रविधिद्धारा सो भवनमा नेपालको झण्डा अंकित डिजिटल लाईट बालिने छ ।
प्रतिक्रिया