२१ चैत्र २०८१, बिहिबार | April 3, 2025

शुक्रबारदेखि नेपालगन्जमा पहिलो रोजगार मेला



नेपालगन्ज । बाँकेको नेपालगन्जमा शुक्रबारदेखि पहिलोपटक रोजगार मेला लाग्ने भएको छ । नेपालगन्ज उद्योग वाणिज्य संघको आयोजना र बाँकेका ७ वटा स्थानीय सरकारको सहकार्यमा नेपालगन्जमा दुई दिने बाँके रोजगार मेला लाग्ने भएको हो ।

संघले बिहीबार नेपालगन्जमा पत्रकार सम्मेलन गर्दै मेलाको सम्पूर्ण तयारी पुरा भएको जानकारी दिएको छ । पत्रकार सम्मेलनमा बोल्दै संघका अध्यक्ष टंकबहादुर धामीले रोजगार मेलाले तत्काल र दीर्घकालीन रुपमा रोजगार सिर्जना गर्ने दाबी गरे । उनले मेला अवधिमा मात्र कम्तीमा १०० जनाले रोजगार पाउने दाबी गर्दै औद्योगिक प्रतिष्ठानको जनशक्तिको आवश्यकता अनुसार सीपमूलक तालिम दिएर दक्ष जनशक्तिलाई भविष्यमा रोजगारी दिइने बताए ।

उनले मेलाले थोरै भएपनि युवाको विदेश पलायनलाई रोक्ने र नेपालमा आइरहेका विदेशी श्रमिकलाई न्युनिकरण गर्ने अपेक्षा गरे ।

कार्यक्रममा संघका महासचिव तथा रोजगार मेला व्यवस्थापन समितिका संयोजक भीमबहादुर रानाभाटले बाँकेका सात वटा स्थानीय तहको आर्थिक सहयोगमा मेला आयोजना गरिएकाले स्थानीय तहका रोजगार शाखामा सूचीकृत व्यक्ति र प्रादेशिक महोत्सवमा सूचीकृत बेरोजगार ब्यक्ति सहभागी हुने जानकारी दिए ।

२ दिन संचालन हुने मेलामा ५ हजार सरोकारवाला अवलोकनकर्ता उपस्थित हुने आयोजकले अनुमान गरेको छ । ३५ वटा रोजगारदाता निकायको स्टल रहने मेलाका लागि १३ लाख बढी खर्च हुने संघले आँकलन गरेको छ ।

प्रकाशित मिति : १४ चैत्र २०८१, बिहिबार  १० : १९ बजे

गायक मुरलीधरको नयाँ गीत सार्वजनिक

काठमाडौँ । ‘उडायो सपना सबै हुरीले’ बोलको गीतका गायक मुरलीधरको

आज बारुदी सुरुङ जागरूकता दिवस

काठमाडौँ । ‘सुरक्षित भविष्य यहाँबाट सुरु हुन्छ’ नाराका साथ आज

लामखुट्टेले हैरान गरयो ?, भगाउन अपनाउनुहोस् यी घरेलु उपाय

काठमाडौं । के तपाई पनि लामखुट्टेको टोकाइबाट हैरान हुनुहुन्छ भने

‘पूर्णबहादुरको सारङ्गी’ले अविष्मरणीय बनाएको वर्ष २०८१ : चलचित्र क्षेत्रमा के के भयो ?

काठमाडौं । ‘पूर्णबहादुरको सारङ्गी’ले सञ्चार तथा सूचना प्रविधि मन्त्रालयअन्तर्गतको सेन्ट्रल

भेरी बबई डाइभर्सन आयोजनाको प्रगति ८३ प्रतिशत

सुर्खेत । आर्थिक वर्ष २०७१/७२ मा सुरु भएको राष्ट्रिय गौरवको