विराटनगर । मन्त्रिपरिषदको बैठक बसालेर महसुल नतिरेका उद्येगीको विद्युत जोड्न निर्देशन दिँदा पनि विद्युत प्राधिकरणले लाइन काटिएका उद्योगमा लाइन नजोडेपछि प्रधानमन्त्री केपी शर्मा ओलीले उद्योगधन्दा बन्द हुनेगरी कुनै पनि गतिविधि गर्न नदिइने बताएका छन् । विराटनगरस्थित होटल ह्यारिसनमा आज पत्रकारसँग कुराकानी गर्दै उनले औद्योगिक क्षेत्र निर्वादरूपमा सञ्चालने हुने विश्वास दिलाए ।
उद्योगहरूमा काटिएका बिजुली लाइन नजोडिएको सम्बन्धमा पत्रकारहरूले राखेको जिज्ञासामा जवाफ दिँदै प्रधानमन्त्री ओलीले भने, “कुनै पनि हालतमा देश बिगार्न दिइन्न, उद्योगधन्दा निर्वादरूपमा सञ्चालन हुनुपर्छ ।”
आइतबार बसेको मन्त्रिपरिषदको बैठकले डेडिकेटेड र ट्रंक लाइनको महसुल नतिरि बसेका उद्योगीहरुको काटिएको लाइन जोड्न उर्जा मन्त्रालयलाई निर्देशन दिने निर्णय गरेको थियो ।
प्रदेश सरकारले विकासको कामसँगै सुशासनका क्रियाकलापलाई पनि निरन्तर अगाडि बढाउनुपर्नेमा जोड दिँदै प्रधानमन्त्री ओलीले संविधान संशोधन संसद्ले गर्ने भएकाले सोहीअनुसार प्रक्रिया सुरु हुने स्पष्ट पारे ।
प्रतिक्रिया