सुनको मूल्यमा आज फेरि नयाँ कीर्तिमान, तोलाको कति पुग्यो ?

काठमाडौं । सुनको मूल्यले आज फेरि नयाँ कीर्तिमान थपेको छ।

नेपाल सुनचाँदी व्यवसायी महासंघका अनुसार सुनको मूल्य आइतबार अहिलेसम्मकै महंगो तोलाको एक लाख ६५ हजार पुगेको हो । यो शुक्रबार भन्दा ६०० रुपैयाँ बढी हो ।

यस अघि शुक्रबार सुन तोलाको एक लाख ६४ हजार ४०० मा कारोबार भएको थियो ।

आज चाँदीको मूल्य पनि बढेको छ । आज चाँदी प्रतितोला ९५ रुपैयाँले बढेर २०७५ रुपैयाँमा कारोबार भैरहेको छ ।