नेपालगन्ज । बाँकेको कोहलपुरमा भएको मोटरसाइकल दुर्घटनाबाट घाइते बल बहादुर वलीको मृत्यु भएको छ । कोहलपुर नगरपालिका-३ मदनचोक नजिकै मोटरसाइकल दुर्घटना हुँदा मोटरसाइकल चालक वली आज बिहान गम्भीर घाइते भएका थिए ।
सुर्खेत गुर्बाकोट नगरपालिका-९ घर भई बाँके नेपालगंज उपमहानगरपालिका—१५ जमुनिया डेरा गरी बस्दै आएका वलीको उपचारका क्रममा मृत्यु भएको प्रहरीले जनाएको छ ।
भे. ९ प २३३३ नम्बरको मोटरसाइकल मंगलबार बिहान भे. १ त ३६९३ नम्बरको ट्रयाक्टरमा ठक्कर खाँदा वली गम्भीर घाइते भएका थिए ।
प्रहरीका अनुसार उनको मेडिकल कलेज कोहलपुरमा उपचारको क्रममा मृत्यु भएको हो । प्रहरीले ट्रयाक्टर चालकलाई नियन्त्रणमा लिएर दुर्घटनाका सम्बन्धमा आवश्यक अनुसन्धान गरिरहेको जनाएको छ ।
प्रतिक्रिया