सामुदायिक विद्यालयका विद्यार्थीलाई जुत्ताचप्पल ब्यवसायीले दिए जुत्ता र मोजा

नेपालगन्ज । नेपालगन्जका जुत्ता ब्यवसायीहरुले सामुदायिक बिद्यालयमा पढ्ने बिद्यार्थीहरुलाई जुत्ता र मोजा उपलब्ध गराएको छ । नेपालगन्ज जुत्ता चप्पल व्यवसायी संघले नेपालगन्जको उक सामुदायिक विद्यालयमा अध्ययनरत विद्यार्थीलाई जुत्ता र मोजा उपलब्ध गराएको हो ।

नेपालगन्ज उपमहानगरपालिका वडा नम्बर १८, संगमटोलको नेपाल राष्ट्रिय प्राथमिक विद्यालयका विद्यार्थीलाई आज ६६ जोर जुत्ता र ७२ जोर मोजा वितरण गरिएको संघका कोषाध्यक्ष रविन पौडेलले जानकारी दिए ।

संघका संस्थापक अध्यक्ष विष्णुप्रसाद श्रेष्ठ, निवर्तमान अध्यक्ष कमलप्रसाद पौडेल, अध्यक्ष कविराम जैसीलगायतको उपस्थितीमा विद्यार्थीलाई जुत्ता र मोजा वितरण गरिएको उनले बताए ।

संघले हरेक वर्ष आफ्नो सामाजिक उत्तरदायित्व अन्तर्गत विपन्न वर्गका विद्यार्थी पढ्ने स्कुलमा जुत्ता मोजा वितरण गर्दै आएको संस्थापक अध्यक्ष विष्णु प्रसाद श्रेष्ठले बताए ।