खजुरामा डेढलाख राशीको खुल्ला नकआउट फूटबल प्रतियोगिता हुँदै

खजुरा । बाँकेको खजुरा ४ ई गाउँमा भोलि शनिबारदेखि खुल्ला नकआउट फूटबल प्रतियोगिता आयोजना हुने भएको छ । खजुरा क्षेत्रको सर्वाधिक पुरस्कार राशीको खुल्ला नकआउट फूटबल प्रतियोगिता हुने आयोजक न्यु दर्पण युवा स्पोर्ट्स क्लवले जनाएको छ ।

न्यु दर्पण युवा स्पोर्ट्स क्लवको आयोजनामा पुस ७ गतेबाट १६ गते सम्म संचालन हुने प्रतियोगितामा १७ टोलिको सहभागिता रहेको क्लबका अध्यक्ष प्रकाश केसीले जानकारी दिए ।

प्रतियोगिताको विजेतालाई १ लाख, दोश्रो हुनेलाई ५१ हजार सहित प्रत्येक खेलको मेन अफ द म्याचलाई नगद पुरस्करको ब्यवस्था गरिएको आयोजकले जनाएको छ । ई गाउँस्थित मनकामना माविको खेल मैदानमा उद्घाटन खेल आयोजक न्यु दर्पण ए र दङ्गा नियन्त्रण प्रहरी गण खजुराबीच दिउँसो हुनेछ ।