१३ मंसिर २०८१, बिहिबार | November 28, 2024

संगीत सुन्दै शौच गर्नमिल्ने नेपालगन्जको बहुचर्चित डिजिटल शौचालय उपयोग बिना भत्काइयो



नेपालगन्ज । मालपाएर चाल नपाएपछि नेपालगन्जमा बनेको बहुचर्चित डिजिटल शौचालय सञ्चालन नै नगरि भत्काइएको छ । नेदरल्याण्ड्स विकास कोषको लगानीमा ४६ लाख ३६ हजारमा चारवर्ष अघि नेपालन्जको धम्बोझीचोकमा बनाइएको डिजिटल शौचालय एकपटक पनि प्रयोगमा नल्याई भत्काइएको छ ।

नमुना शौचालयकारुपमा धम्बोझी चोकमा राखिएको शौचालयलाई मर्मत सम्भार गरेर संचालन गर्न छाडेर ४ वर्ष बन्द गरेर अन्तमा भत्काइएको छ । उपमहानगरले डिजिटल प्रबिधिलाई सुचारु गर्न नसकेपछि भत्काउने निर्णयमा पुगेको हो । दक्ष जनशक्ति राखेर संचालन गर्नुभन्दा भत्काउन सहज हुने भएपछि उपमहानगर भत्काउने निर्णयमा पुगेको एक स्थानीयले बताए ।

शौचालयमा स्वचालित डिजिटल प्रविधि जडान गरिएकोमा लामो समय संचालन नहुँदा सामानमा खिया लागेको थियो । संचालनमा नै नल्याई शौचालयलाई जिर्ण अवस्थाको खण्डहर बनाएपछि उपमहानगर नेतृत्वको सर्वसाधारणले आलोचना गरेका थिए ।

नेपालगन्जमा निर्माण गर्दा डिजिटल शौचालयको फरक बिशेषताका कारण चर्चामा रहेको थियो । जमीनमाथि निर्माण गरिएको संरचना फोल्डिङयुक्त थियो भने शौचालय भरिएमा नटबोल्ट खोलेर एक ठाउँबाट अर्को ठाउँमा सहजै लान सकिन्थ्यो । डिजिटल शौचालयमा सौर्य प्रणालीबाट विद्युत् प्रवाह गरिएको र अपाङ्गता तथा महिलामैत्री सो डिजिटल शौचालयमा एकैपटक तीन महिला, तीन पुरुष र एक फरक क्षमता (अपाङ्गता) भएका व्यक्तिले शौच गर्न सक्ने गरि बनाइएको थियो ।

पूर्ण स्वचालित पद्धतिमा चल्ने शौचालयभित्र पानी तथा साबुन भएन भने शौचालयको ढोका नखुल्ने सेन्सर जडान गरिएको थियो। शौचालय प्रयोगमा आए÷नआएको जानकारी ढोकामा रहेको डिजिटल डिस्प्लेमा सहजै देख्न सकिन्थ्यो भने शौच गर्दा स्वचालितरूपमा सङ्गीत बज्ने र जो–कोहीले सङ्गीत सुन्दै शौच गर्न सक्ने बताइएको थियो ।

स्वचालित प्रबिधिबाट हात थापेकैभरमा तरल साबुन र पानी झर्ने ब्यवस्था गरिएको थियो भने संगीत सुन्दै शौच गर्न पाइने भन्दै तत्कालिन उपमहानगर प्रमुख धवलशम्सेर राणाले शौचालयको बखान समेत गरेका थिए ।

नेपालगन्जको केन्द्र धम्बोझीचोक नजिक कृषि विकास बैंक र राष्ट्र बैंकको बीचमा राखिएको डिजिटल शौचालय बनाइएको थियो । एकैपटक सात जनाले प्रयोग गर्न मिल्ने आधुनिक प्रविधिसहितको शौचालय अहिले सदुपयोग नभई भत्काइएको छ ।

नेपालगन्ज उपमहानगरपालिका प्रवक्ता प्रमोद रिजालले डिजिटल शौचालय भत्काएर अब सामान्य शौचालय बनाउन लागिएको जानकारी दिए । उनले प्रबिधिको शौचालय प्रयोगमा जटिलता उत्पन्न भएको र डिजिटल प्रविधिमा आउने समस्याले हैरान भएपछि अब सामान्य खाले शौचालयमा यसलाई परिवर्तन गर्ने निष्कर्षमा उपमहानगरपालिका पुगेको बताए ।

२०७६ माघ ६ गते स्वास्थ्य र विकासका लागि नगर सरसफाइ तथा स्वच्छता कार्यक्रमअन्तर्गत ४६ लाख ३६ हजार रुपैयाँ लागतमा स्वचालित शौचालय निर्माण गरिएको थियो ।

प्रकाशित मिति : २७ मंसिर २०८०, बुधबार  २ : ५६ बजे

औद्योगिक व्यापार मेला बुटवल २०८१ : कृषिमा अर्गानिक उत्पादनलाई प्राथमिकता

बुटवल । बुटवल उद्योग वाणिज्य संघको आयोजनामा अन्तर्राष्ट्रिय प्रदर्शनीयस्थल बुटवल

नेपाली विद्यार्थीका लागि असहज बन्दै बेलायत

उल्भरह्याम्टन । रामेछाप गेलुका उज्वल कार्की उच्च शिक्षाका लागि बेलायत

अर्थमन्त्री पौडेल र फिनल्याण्डका विकासमन्त्री ताभियोबीच भेटवार्ता

काठमाडौं । उपप्रधानमन्त्री एवं अर्थमन्त्री विष्णुप्रसाद पौडेल र फिनल्याण्डका परराष्ट्र

रुपन्देहीको रोहिणीमा अर्गानिक मल उत्पादन सुरु, भारतीय बजारमा समेत माग बढ्दो

बुटवल । रुपन्देहीमा अर्गानिक मल उत्पादन सुरु भएको छ ।

होटललाई उद्योग सरह विद्युत् उपलब्ध गराउन ऊर्जामन्त्रीसमक्ष माग

काठमाडौं । देशभरका होटल व्यवसायीको छाता संस्था होटल सङ्घ नेपाल