एमालेको ‘समृद्धिका लागि सङ्कल्पयात्रा’ को नवौँ दिन, आज आरुघाट आइपुग्ने

पोखरा । नेकपा (एमाले)ले सञ्चालन गरेको ‘समृद्धिका लागि सङ्कल्पयात्रा’ आज गोरखाको आरुघाट पुग्दैछ ।

बैतडीको झुलाघाटबाट आरम्भ भएको समृद्धिको लागि संकल्पयात्राको नवौँ दिन आज कास्कीको पोखराबाट सुरू हुने छ । यात्राको क्रममा भोर्लेटार, धमिलकुवा, पालुङटार लगायत ठाउँहरूमा भेटघाट गर्ने कार्यक्रम रहेको छ ।

लमजुङको सुन्दरबजारमा सभा सम्पन्न गरी नेकपा एमाले अध्यक्ष केपी शर्मा ओली नेतृत्वको टोली आज गोरखाको आरुघाटमा बास बस्ने प्रचार विभाग सचिव गगन बिष्टले जानकारी दिए ।