काठमाडौंबाट नेपालगन्ज जाँदै गरेको बस बर्दघाटमा दुर्घटना

बर्दघाट । पश्चिम नवलपरासीको बर्दघाटमा काठमाण्डौबाट नेपालगंज जाँदै गरेको बस पल्टदा ७ जना घाइते भएका छन । बिहान अन्दाजी ५ बजेको समयमा बर्दघाट बजार क्षेत्रमा बस पल्टदा ७ जना घाइते भएको प्रहरीले जनाएको छ ।

भे १ ख ९०११ नम्बरको रात्रीबस बर्दघाट नगरपालिका वडा नम्बर ४ को मुख्य बजार क्षेत्रमा एक्कासी पल्टीएको हो ।

स्तरोन्नतीको क्रममा रहेको सडकमा अत्याधिक खाल्डाखुल्टीका कारण दुर्घटना भएको हुन सक्ने प्रहरीको अनुमान छ । बसमा सवार ४० जना यात्रुमध्ये ७ जना घाइतेहरुको स्थानीय चिसापानी अस्पतालमा उपचार गराईएको इलाका प्रहरी कार्यालय बर्दघाटले जनाएको छ । बसका चालक भने बस पल्टे लगत्तै फरार भएका छन् ।

पूर्वपश्चिम राजमार्ग विस्तारको क्रममा रहेको र सडकमा खाल्टाखुल्टी बढी भएकाले यो क्षेत्रमा दुर्घटनाको जोखिम बढेको छ ।