बुटवलमा घर फोडेर गरगहना र नगद चोरी गर्ने दुई जना पक्राउ

बुटवल । इलाका प्रहरी कार्यालय बुटवलले घर फोडेर सुनका गरगहँना तथा नगद चोरी गर्ने दुई युवालाई पक्राउ गरेको छ । प्रहरीले उनीहरुलाई आइतबार प्रकाउ गरी अनुसन्धान अघि बढाएको हो ।

पक्राउ पर्नेमा बुटवल-१७ रानीगञ्ज बस्ने २१ वर्षीय विजय परियार र सोही ठाउँका २२ वर्षीय सुरज घर्तीमगर रहेका छन् ।

जेष्ठ १९ गते बुटवल उपमहानगरपालिका-१७ नानीगञ्जमा बस्ने गिता पाण्डेको घरको भित्ता फोडी उनीहरुले सुनका बाला, चन्द्रमा, झुम्का तथा नगद चोरी गरेको इलाका प्रहरी कार्यालय बुटवलले जनाएको छ ।

बुटवल–१७ रानीगंज स्थित पुलमा शंकास्पद अवस्थामा बसिरहेको अवस्थामा प्रहरीले उनीहरुलाइ पक्राउ गरेको थियो । उनीहरुको साथबाट चोरी भएको सुनका केही गरगहना र नगद २५ हजार रुपैया समेत फेला पारिएको प्रहरीले जनाएको छ ।