काठमाडौं । नक्कली भुटानी शरणार्थी प्रकरणका आरोपित पूर्वमन्त्री टोपबहादुर रायमाझीका छोरा सन्दीपलाई म्याद थपका लागि प्रहरीले अदालत लगेको छ ।
नक्कली भुटानी शरणार्थी बनाउन सहयोगी भुमिका खेलेको आरोपमा हिजो साँझ बुटवलबाट पक्राउ परेका सन्दीपलाई आज बिहान काठमाडौं ल्याईएको थियो ।
काठमाडौं ल्याईएका उनलाई अनुसन्धानका लागि म्याद थप गर्न जिल्ला अदालत, काठमाडौंमा लगिएको हो ।
नक्कली भुटानी शरणार्थी बनाएर अमेरिका लैजान खोजेको आरोपमा हिजो गृहमन्त्रालयका काम गरेको सचिव टेकनारायण पाण्डेलाई पक्राउ गरिएको थियो । उनलाई ३ दिनसम्म हिरासतमा राखेर अनुसन्धान गर्न जिल्ला अदालतले अनुमति दिइसकेको छ ।
आठ सय ७५ युवासँग रकम उठाएको आरोपमा मुछिए पछि सन्दीपका पीता टोपबहादुर रायमाझीलाई पनि पक्राउ गर्न प्रहरीले खोजी गरिरहेको जनाएको छ ।
प्रतिक्रिया