काठमाडौं । एक्कासी बेहोस भएपछि त्रिभुवन विश्वबिद्यालय शिक्षण अस्पताल महाराजगन्ज भर्ना भएका राष्ट्रपति रामचन्द्र पौडेललाई थप उपचारका लागि भारतको नयाँदिल्ली लगिने भएको छ । मंगलबार बेलुकी शिक्षण अस्पताल महाराजगञ्जमा भर्ना भएका राष्ट्रपति पौडेललाई श्री एयरलाइन्स मार्फत् नयाँदिल्ली लैजाने तयारी गरिएको छ ।
पेटमा इन्फेक्सन सहित पानी जमेको पाइएपछि उनलाई चिकित्सकको सल्लाहमा भारत लैजान लागिएको बताइएको छ । यसअघि पेटमा समस्या देखिएपछि राष्ट्रपति पौडेल १८ चैतमा पाँच दिन त्रिवि शिक्षण अस्पतालमा भर्ना भएका थिए ।
मंगलबार स्वास्थ्यमा समस्या देखिएपछि पौडेललाई पुनः अस्पताल भर्ना गरिएको थियो । मंगलबार राष्ट्रपति पौडेल एककासी बेहोस भएको र तत्काल अस्पताल पु¥याइउको सितलनिवास स्रोतले जनाएको छ । विशेषज्ञ चिकित्सको सल्लाह अनुसार राष्ट्रपतिलाई भारत लैजानुपर्ने देखिएको राष्ट्रपति पौडेलको स्वास्थ्य अवस्था बुझ्न शिक्षण अस्पताल पुगेका राष्ट्रियसभाका अध्यक्ष गणेश तिमिल्सेनाले बताए ।
स्वास्थ्यका कारण राष्ट्रपति सहभागि हुने भनिएका सबै कार्यक्रमहरुका कार्यसूची परिवर्तन गरिएकाछन् । बिहिबार बुटवलमा आयोजना हुने विजय उत्सव कार्यक्रममा सहभागी हुने राष्ट्रपतिको कार्यक्रमलाई परिवर्तन गर्दै प्रदेश प्रमुख सहभागी हुने भएका छन् ।
प्रतिक्रिया