काठमाडौं । प्रधानमन्त्री पुष्पकमल दाहाल प्रचण्डले पद तथा गोपनीयताको शपथ लिएका छन् ।
राष्ट्रपति निवास शितल निवासमा सोमबार अपरान्ह आयोजित विशेष कार्यक्रममा नवनियुक्त प्रधानमन्त्री प्रचण्डले शपथ लिएका हुन् । राष्ट्रपति विद्यादेवी भण्डारीले प्रधानमन्त्री प्रचण्डलाई नेपालको संविधानअनुसार पद तथा गोपनीयताको शपथ दिलाएकी हुन् ।
संविधानको धारा ७६ को उपाधारा २ अनुसार बहुमत दल र सांसदको समर्थनसहित दाबी गरेपछि भण्डारीले प्रचण्डलाई हिजो प्रधानमन्त्रीमा नियुक्त गरेकी थिइन ।
शपथ ग्रहण समारोहमा प्रचण्ड आफ्नो व्यक्तिगत जीवनमै पहिलो पटक दौरा सुरुवाल र भादगाउँले टोपीमा सजिएका छन् ।
शपथ ग्रहण समारोहमा उपराष्ट्रपति नन्दबहादुर पुन, निवर्तमान प्रधानमन्त्री शेरबहादुर देउवा, राष्ट्रिय सभाका अध्यक्ष गणेशप्रसाद तिमिल्सिना लगायतका विशिष्ट अतिथिहरु एवं सरकारलाई समर्थन गरेका दलका नेता कार्यकर्ताहरुको उपस्थिति रहेको थियो ।
प्रतिक्रिया