आमा र काकाको हत्या अभियोगमा एकजना पक्राउ

झापा । झापामा आफ्नै आमा र काकाको खुकुरी प्रहार गरेर हत्या गरेको अभियोगमा प्रहरीले एक युवकलाई पक्राउ गरेको छ । ५० वर्षीया चन्द्रकला माझी र ५० वर्षीय सन्त बहादुर माझीको खुकुरी प्रहार गरि हत्या गरेको अभियोगमा झापा कमल गाउँपालिका-२ मिलन चौक सिमलडाँगी बस्ने २० वर्षीय चन्द्र माझीलाई शनिबार राति प्रहरीले पक्राउ गरेको हो ।

पक्राउ परेका चन्द्रले खुकुरी प्रहार गर्दा दुवै जनाको घटनास्थलमै मृत्यु भएको प्रहरीले जनाएको छ । हत्या भएको सूचना पाए लगत्तै इलाका प्रहरी कार्यालय दमकबाट खटिएको प्रहरीले उनलाई पक्राउ गरेको झापा प्रहरीले जनाएको छ ।

प्रहरीले आवश्यक अनुसन्धानको लागि चन्द्रका बुबालाई समेत प्रहरीले नियन्त्रणमा लिएको छ । यस सम्बन्धमा प्रहरीले फाउ परेकाहरुको म्याद थप गराई थप अनुसन्धान गरिरहेको छ ।