काठमाडौं । नेकपा (एमाले) को स्थायी कमिटी बैठक आज बस्दै छ । ललितपुरको च्यासलस्थित पार्टी केन्द्रीय कार्यालयमा आज बिहान ११ बजे बैठक बोलाइएको हो ।
एमाले कार्यालय सचिव भीष्म अधिकारीका अनुसार आजको बैठकमा प्रतिनिधि सभा र प्रदेश सभा चुनावको तयारीलगायत विषयमा छलफल हुनेछ ।
स्थायी कमिटी बैठकपछि एमालेले पोलिटब्यूरो र केन्द्रीय कमिटी बैठक पनि बोलाएको छ । एमालेको पोलिटब्यूरो बैठक भदौ ९ गते तथा केन्द्रीय कमिटी बैठक भदौ १० र ११ गते बोलाइएको छ ।
त्यसपछि केन्द्रीय निर्वाचन परिचालन कमिटीको बैठक बस्ने उनले बताए । एमाले केन्द्रीय निर्वाचन परिचालन कमिटीको बैठक भदौ १२ गते बोलाइएको छ । यसको संयोजक अध्यक्ष केपी शर्मा ओली रहेका छन् ।
प्रतिक्रिया