काठमाडौं । पछिल्लो २४ घण्टामा देशभर ८८८ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयले सार्वजनिक गरेको पछिल्लो तथ्यांकअनुसार पाँच हजार ७३७ परीक्षण गर्दा ८८८ जनामा संक्रमण पुष्टि भएको हो ।
तीन हजार १५५ पीसीआर परीक्षणमा ४२७ जनामा संक्रमण देखिएको छ । यस्तै दुई हजार ५८२ एन्टिजेन परीक्षणमा ४६१ जना गरी ८८८ जनामा संक्रमण पुष्टि भएको मन्त्रालयले जनाएको छ ।
पछिल्लो २४ घण्टामा ४७४ जना कोरोना संक्रमणमुक्त भएका छन् । यसै अवधिमा कोरोना संक्रमणबाट एक जनाको मृत्यु भएको छ ।
सोमबार देशभर कोरोना भाइरसको सक्रिय संक्रमितको संख्या पाँच हजार ३८७ जना रहेका छन् ।
प्रतिक्रिया