उपाध्यक्षको देवर नाता पर्नेको निधनमा पालिकामा सार्वजनिक विदा

बुटवल । रुपन्देहीको मर्चवारी गाउँपालिकाले उपाध्यक्षको देवरको मृत्यु भएको भन्दै पालिकामा सार्वजनिक बिदा दिएको छ । गाउँपालिकाका अध्यक्ष आफैले सूचना प्रकाशित गर्दै उपाध्यक्ष आशा सिंहको देवर नाता पर्नेको निधन भएकाले सार्वजनिक बिदा दिएको जनाएका छन् ।

गाउँपालिका अध्यक्ष गयाप्रसाद बरहीले जारी गरेको सूचनामा उपाध्यक्ष आशा सिंहको देवर नाता पर्नेको मिति २०७९ असार ५ गते दुर्घटनामा परि निधन भएको भन्दै गाउँपालिका कार्यालय, सामुदायिक विद्यालय तथा संघ संस्थाहरू बन्द रहने उल्लेख छ ।

निधन भएका व्यक्तिको नाम भने उल्लेख नगर प्रकाशन गरिएको सूचनामा पत्रसंख्या ०७९र८० राखिएपनि चलानी नम्बर राखिएको छैन ।

प्रमुख प्रशासकीय अधिकृत मीनप्रसाद भट्टराईले आफू घर बिदामा रहेकाले बिदाका बारेमा आफूलाई जानकारी नभएको बताएका छन् ।