राप्रपा नेता मिश्र, राणा लगायतलाई अदालत लगिँदै

काठमाडौं । गत शुक्रवार काठमाडौंमा भएको हिंसात्मक प्रदर्शनमा संलग्न रहेका आरोपमा पक्राउ परेका माथी मुद्धा चलाइने भएको छ ।

शुक्रबार राती पक्राउ परेका राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्र र महामन्त्री धवल शम्शेर राणालगायतलाई अदालतमा उपस्थित गराएर मुद्धा चलाउन लागिएको हो ।

राप्रपाका दुई नेतामिश्र र धवल सहित स्वागत नेपाल, पुष्कर खतिवडा लगायतलाई अहिले केहीबेरमा म्याद थपका लागि अदालत लगिदैँछ । मिश्र, राणा र स्वागत नेपाल गत शुक्रबार राती पक्राउ परेका थिए भने आफुलाई धार्मिक गुरु बताउने पुष्कर खतिवडा शनिबार पक्राउ परेका हुन् ।

जो काठमाडौं उपत्यका अपराध अनुसन्धान कार्यालयको टोलीले पक्राउ गरेर काठमाडौं परिसरको जिम्मा लगाएको थियो।