काठमाडौं। विपक्षी दलहरुले सरकारले ल्याएको अध्यादेश अस्वीकार गर्ने निर्णय गरेका छन् ।
बिहीबार बिहान सिंहदरबारस्थित माओवादी संसदीय दलको कार्यालयमा बसेको विपक्षी दलको बैठकले अध्यादेश अस्वीकार गर्ने निर्णय गरेको हो । सरकारले अध्यादेश ल्याउन सक्ने भएपनि अहिलेको अध्यादेशहरु संसद छल्नकै लागि ल्याएको तर आफुहरुको दबाबका कारण संसद अधिवेशन बोलाउन सरकार बाध्य भएको उनीहरुले निस्कर्ष निकालेका छन् । जनतालाई छिटो सेवा दिने नियत भएको भए कात्तिक मंसिरमै अध्यादेश ल्याउन सक्ने अवस्था भए पनि सरकारको नियत खराब भएकोमा सबै दलको साझा धारणा रखेको माओवादीका प्रमुख सचेतक हितराज पाण्डेले बताए । विपक्षी दलहरुले अध्यादेशका कन्टेन्टका बारेमा भने प्रतिस्थापन विधेयक आएपछि छलफल गर्ने जनाएका छन् ।
बैठकले राष्ट्रियता, जनजीविका र महंगी नियन्त्रणलगायतका विषयमा आगामी संसदमा जोडदार आवाज उठाउने समेत निर्णय गरेको पाण्डेले बताए । जनताका सवाज जोडिएका विषयमा विपक्षीहरु एक भएर संसदमा कुरा उठाउने निर्णय भएको उनले जानकारी दिए ।
संसदको हिउँदे अधिवेशन भोलि शुक्रबार देखि सुरु हुँदैछ ।
प्रतिक्रिया