१ फाल्गुन २०८१, बिहिबार | February 14, 2025

तिरिसकेको ऋण असुल्न हिमालयन बैंकबाट बीच सडकमा ‘गुण्डागर्दी’



बुटवल । हिमालयन बैंक लिमिटेडले ऋण असुलीका लागि गुण्डा परिचालन गरेको भन्दै प्रहरीमा उजुरी परेको छ । ऋण असुलीको बहानामा सडकमा गुण्डा परिचालन गरेर दादागिरी प्रदर्शन गरिएको भन्दै नवलपरासीका भरत क्षेत्रीले प्रहरीमा उजुरी दर्ता गराएका हुन् ।

रुपन्देहीको देवदहमा बीच सडकमा गुडिरहेको गाडीलाई रोकेर अभद्र व्यवहार गरेको भन्दै क्षेत्रीले ईलाका प्रहरी कार्यालय खैरेनीमा उजुरी दर्ता गराएका हुन् । आफुले २ वर्ष पहिले नै भुक्तानी गरिसकेको कर्जा माग्दै सडकमा आफ्नो गाडी रोकेर दुर्व्यवहार गरिएको क्षेत्रीले बताए । क्षेत्रीको उजुरीका आधारमा प्रहरीले बैंकका प्रतिनिधि बताउने सञ्जीव लामा नाम गरेका युवासहित दुई जनालाई नियन्त्रणमा लिएको छ ।

उनी सवार बागमती प्रदेश ०१–०२६ च २१४६ नम्बरको कारलाई रोकेर २ वर्ष अगाडि नै चुक्ता गरेको ऋण मागेपछि आफु झस्किएको उनले बताए ।

घटनाका विषयमा हिमालयन बैंक सुनवल शाखामा कार्यरत लोन शाखाका म्यानेजर सन्दीप पाण्डेलाई फोन गर्दा भरतबाटै कुरा बुझ्न आग्रह गरे । उनले घटना सम्बन्धमा भरत क्षेत्री संगै बुझ्नुस भन्दै मोबाईल काटे ।

प्रहरी चौकी खैरेनीका प्रमुख प्रहरी निरीक्षक एक्काबहादुर नेपालीले ऋण असुलीकै लागि पनि बाटोमा गाडी रोक्न नपाईने बताए । उनले घटनामा संलग्न भएका व्यक्तिलाई पक्राउ गरेर भोलि हाजीर गराउने गरि बैंकको जिम्मा लगाइएको बताए । उनका अनुसार उजुरी कर्ता क्षेत्रीले २ वर्ष अगाडी नै कर्जा हिमालय बैंकबाट प्रभु बैंकमा सारेपनि हिमालय बैंकले लेजरमा लागत कट्टा नगरेर कर्जा देखाएको पाईएको छ । अर्को बैंकमा सरिसकेको कर्जा असुलीका नाममा बाटाघाटामा गाडी रोकेको देखिएको व्रहरी निरीक्षक नेपालीले बताए ।

हिमालयन बैंकबाट लोनमा गाडि किनेका उनले २ वर्ष अघिनै चुक्ता गरे पनि बैंकको पैसा उठाउने नाम लिष्टमाआफ्नो गाडी समेत परेको भन्दै बीच सडकमा रोकेर अभद्र व्यवहार गरेको उनले गुनासो गरे । असुलीको पत्र समेत आफुलाई नपठाएको र खातामा देखिएपनि प्रहरी मार्फत आफुलाई झिकाउन सकिनेमा बैंकले गुणडागर्दी गरेको क्षेत्रीले बताए ।

प्रकाशित मिति : १५ माघ २०८१, मंगलबार  ६ : ३६ बजे

वामपन्थीहरुबीच ध्रुवीकरण गर्दै समाजवादी आन्दोलनको बाटोमा अगाडि बढ्नु अहिलेको दायित्व

बुटवल । जनयुद्ध दिवस मनाउने कार्यक्रममा सहभागी बक्ताहरुले दश वर्षे

नेसपा नयाँ शक्तिका नवनिर्वाचित अध्यक्ष डा भट्टराईद्वारा शपथ ग्रहण

काठमाडौँ । नेपाल समाजवादी पार्टी (नयाँ शक्ति) का नवनिर्वाचित अध्यक्ष

बुटवलको अक्सफोर्ड माविले तीन दिवसीय कार्यक्रम गरेर वार्षिकोत्सव मनाउँदै

बुटवल । बुटवल सुख्खानगरमा रहेको अक्सफोर्ड माध्यमिक विद्यालयले आफ्नो ३४

ठमेलमा प्रहरी कुट्ने अखिल नेता कमलराज जोशी पक्राउ

काठमाडौं । काठमाडौंको ठमेलमा प्रहरीलाई कुटपिट गरेको अरोपमा एमाले निकट

अनलाइनबाट हुने दुर्व्यवहारका घटना बढ्दै

काठमाडौँ । इन्टरनेटको विकाससँगै अनलाइनबाट हुने दुर्व्यवहारका घटना वृद्धि भएका