२१ चैत्र २०८१, बिहिबार | April 3, 2025

नेपालगन्जमा जारी प्रादेशिक महोत्सवमा बढे दर्शक, भोलि नायक पल शाह आउँदै



नेपालगन्ज । नेपालगन्जमा जारी प्रादेशिक महोत्सव २०८१ को तेस्रो दिन दर्शकको ओईरो लागेको छ । नेपालगन्जको कारकाँदोस्थित सडक विभाग परिसरमा जारी महोत्सवको तेस्रो दिन शनिबार हजारौं दर्शकको उपस्थिती रहेको आयोजक नेपालगन्ज उद्योग वाणिज्य संघले जनाएको छ ।

आज ‘भल्गर’ गायिकाको उपमा कमाएकी गायिका ज्योति मगरले आफ्नो प्रस्तुती दिइन् । गायिका मगरले महोत्सवमा दर्जन बढी गीत गाएकी थिइन् । उही मूलाका सिन्की…, कालो गए गोरो आउँछ…, चानचुने त…लगायतका गीत गाउँदा दर्शक दीर्घाले निकै हुटिङ गरेका थिए । गीत गाउँदा गाउँदै उनले महिला अधिकारको पनि वकालत गरिन् । महिला र पुुरुषको समान इज्जत भएको भन्दै पुरुषले धोखा दिँदा आत्महत्या गर्ने वा रुन नहुने बताइन् । उनले विवाहित महिलालाई घरमा राम्री भए पुरुषले अन्त आँखा नलगाउने तर्क गरिन् । उनले भनिन, ‘घरमा बुढालाई पनि भाँडा माझ्न लगाउनुस् । आफू चिटिक्क परेर बस्नुस् । पर्फूम घसेर बस्नुुस् । महिला व्युटिफूल भए पुरुषले अरु महिलालाई आँखा लगाउँदैनन् ।’

गजल गायक थानेश्वर गौतमले महोत्सवमा दमदार प्रस्तुती दिए । खान्न भाउजु मस्यौरा….,बेचेर सपना….,छुट्नलाई त रैछ क्यारे…..लगायतका गजल गाएका थिए । उनी स्टेजबाट तल ओर्लेर दर्शकदिर्घा र आयोजकलाई नचाएका थिए ।

हास्यव्यङ्ग्य कलाकार दमन रुपाखेतीले पूर्वप्रधानमन्त्रीहरु शेरबहादुर देउवा, प्रचण्डलगायतको क्यारिकेचर गरेर हँसाए।

महोत्सव प्रचार समितिका संयोजक डम्बरबहादुर चन्दका अनुसार शनिबार निकै नै उत्साहजनक उपस्थिति रहेको बताए । साँस्कृतिक व्यवस्थापन समितिका संयोजक मख्खनबहादुर धामीका अनुसार महोत्सवको चौथो दिन आइतबार नायक पल शाह, लोकगायिका शान्तिश्री परियार र थारु÷आधुनिक गायिका अन्नु चौधरीको प्रस्तुती हुनेछ ।

तेस्रो दिन पनि एकल नृत्य प्रतियोगिता र विभिन्न जातीय पहिचानका सांस्कृतिक कार्यक्रम भएको थियो । महोत्सवका साँस्कृतिक उपसमितिका वरिष्ठ सल्लाहकार सुन्दर गुरुङका अनुसार शुक्रबार जिल्लाका थप सात वटा विद्यालयका प्रतिस्पर्धीहरुले प्रथम चरणका प्रस्तुती दिएका थिए । महोत्सवको मुख्य आयोजक नेपालगन्ज उद्योग वाणिज्य संघ, बाँके, आयोजक नेपाल उद्योग वाणिज्य महासंघ काठमाडौं, सह आयोजक नेपाल उद्योग वाणिज्य महासंघ लुम्बिनी प्रदेश र सहकार्य क्यान महासंघ बाँके शाखासँग भएको छ ।

प्रकाशित मिति : १२ माघ २०८१, शनिबार  ८ : २२ बजे

राष्ट्रपतिले नियुक्त गरे तीन देशका लागि गैरआवसीय राजदुत

काठमाडौं। राष्ट्रपति रामचन्द्र पौडेलले तीन देशका लागि गैरआवासीय राजदूत नियुक्त

जङ्गली हात्ती मृतावस्थामा फेला

कञ्चनपुर । दोधारा चाँदनी नगरपालिका–३ बडुवाल टोलमा आज वयस्क भाले

मानव जातिको सुरक्षित र समृद्ध भविष्यका लागि साझा प्रयास आवश्यक : प्रधानमन्त्री

बैङ्कक । प्रधानमन्त्री केपी शर्मा ओलीले थाइल्याण्डको एसियन इस्न्टिच्युट अफ

प्रधानमन्त्री ओली र श्रीलङ्काका प्रधानमन्त्री अमरासुरियाबीच भेटवार्ता

बैङ्कक । प्रधानमन्त्री केपी शर्मा ओली र श्रीलङ्काका प्रधानमन्त्री डा

ताल्चा फुटाएर महानगरको जिम्मवारीमा फर्किए गुरागाईं

काठमाडौं। मेयर बालेन साहले लगाएको ताल्चा फुटाएर प्रमुख प्रशाशकीय अधिकृत