बुटवल । सिजी मोटर्सले बुटवलमा एक्स्ट्रिम सिरिजअन्तर्गत दुई नयाँ मोटरसाइकल एक्स्ट्रिम १६० आर फोरभी र एक्स्ट्रिम १२५ आर सार्वजनिक गरेको छ । मंगलबार बुटवलमा एक कार्यक्रमको आयोजना गरी दुई मोटरसाइकल ग्राण्ड लन्च गरीएको हो ।
बुटवल उद्योग वाणिज्य संघका अध्यक्ष हरिप्रसाद अर्याल, बुटवल-९ का वडाध्यक्ष प्रदिपकुमार श्रेष्ठ, बुटवलस्थित सिजी मोटर्सको आधिकारिक बिक्रेता हिमालयन अटो ट्रेडिङ्ग प्रालिका म्यानेजिङ डाइरेक्टर भेषराज गैरेलगायतले नयाँ मोटरसाइकल सार्वजनिक गरेका हुन् ।
हिरोको एक्स्ट्रिम १६० आर फोरभीको मूल्य ३ लाख ८४ हजार ९ सय र एक्स्ट्रिम १२५ आरको मूल्य सीबीएस भेरियन्टका लागि २ लाख ८९ हजार ९ सय र एबीएस भेरियन्टको लागि ३ लाख ११ हजार ९ सय रहेको सिजी मोटर्सका लुम्बिनी प्रदेश एरिया सेल्स म्यानेजर नेत्र कुँवरले जानकारी दिए । सार्वजनिक भएका दुवै मोडेलहरू नवलपरासीस्थित सिजी इन्डस्ट्रियल पार्कमा रहेको अत्याधुनिक असेम्बली प्लान्टमा एसेम्बल गरिएको कम्पनीले जनाएको छ ।
कम्पनीका अनुसार एक्स्ट्रिम १६० आर फोरभीमा १६० सिसी सेगमेन्ट रहेकोमा सार्वजनिक गरिएको बाइकमा १६३ सिसी ४-भल्भबीएस-भीआई इन्जिन रहेको छ । यसले ८ हजार ५ सय आरपीएममा १६.९ पीएस पावर र ६ हजार ५ सय आरपीएममा १४।६ एनएम टर्क उत्पादन गर्छ । १४५ किलो तौल भएको यो मोटरसाइकल सजिलै मोड्न र चलाउन सकिने कम्पनीले जनाएको छ ।
एक्स्ट्रिम १२५ आर १२५ सिसीको इन्जिन रहेको छ । यसमा ईबीटी प्रणाली उपलब्ध छ । एक्स्ट्रिम १२५ आरको मस्कुलर र सार्प डिजाइनअन्तर्गत सेगमेन्टमै पहिलो प्रोजेक्टर एलइडी हेडल्याम्प, एलइडी टर्न सिग्नल, र सिग्नेचर एलइडी टेल लाइट समावेश रहेको सिजी मोटर्सका रिजनल सेल्स म्यानेजर विभेक सिंघालले जानकारी दिए ।
हिरोले आकर्षक डिजाइनसहितको नयाँ मोटरसाइकलहरू सार्वजनिक गर्दै कलाकारमार्फत सांगीतिक प्रस्तुतिसमेत दिएको थियो । कार्यक्रममा गायक निशान भट्टराई, गायिक सुजाता पाण्डेलगायतले आआफ्नो प्रस्तुति दिएका थिए ।
प्रतिक्रिया