काठमाडौँ । प्रतिनिधि सभाको बैठक स्थगित भएको छ ।
प्रमुख प्रतिपक्षी दल नेकपा (माओवादी केन्द्र)ले सदन अवरुद्ध गर्ने निर्णय गरेपछि बैठक बस्दै नबसी स्थगित भएको हो ।
बैठक भोलि सोमबार दिउँसो १ बजे बस्नेगरी बैठक स्थगित भएको संसद सचिवालयले जनाएको छ ।
सत्तारुढ दल एमालेका सांसद योगेश भट्टराईले जनयुद्धलाई हिंसा भन्दै अपमान गरेको भन्दै नियमापत्ति गरेको माओवादीले सभामुखले हिंसा शब्द गैरसंसदीय नभएको निस्कर्ष निकालेपछि आक्रोशित बनेको थियो । एमालेले जनयुद्धलाई नियतवस हिंसा भनिएको आरोप लगाउँदै सभामुखको निर्णय पुनरावलोकन हुनुपर्ने माग राखेको थियो ।
यसअघि आइतबार दिउँसो १ बजेका लागि तय भएको बैठक सहमति जुटाउनका लागि ३ बजेसम्म स्थगित गरिएको थियो । सभामुख देवराज घिमिरेले बिहान ११ बजे सहमति जुटाउन दलका प्रमुख सचेतक र सचेतकहरुसँग छलफल गरेका थिए ।
प्रतिक्रिया