बुटवल । यस वर्ष दिवंगत भएका आफ्नो एकाघर आफन्तहरुको स्मरणमा बुटवलमा गाईजात्रा निकालिएको छ । नेवाः सेवा समितिको संयोजनमा बुटवलमा गाईजात्रा निकालिएको हो ।
सेवा समितिको सदस्य घर तथा निकट टोलका १३ दिवंगतहरुको स्मरणमा गाईजात्रा निकालिएको नेवाः सेवा समितिका अध्यक्ष चिरिन्जिवी श्रेष्ठले जानकारी दिए । बुटवलको मझगाउँ स्थित नेवाः छेँ (नेवाः घर)बाट सुरु भएको गाईजात्रा देबीनगर, तीनकुने, इट्टाभट्टी, पुरानो बसपार्क, तिनाउपुल तरेर पुरानो बटौली बजार हुँदै जनबिनायक गणे मन्दिर पुगेर समापन भएको थियो ।
नेवाः समुदायमा हरेक गाईजात्राका दिन एक वर्षभरिमा दिवंगत भएका सदस्यहरुको स्मरणमा गाईको प्रतिक तथा बिभिन्न भेषधारण गरि मृतकका आफन्तहरुको घरघरमा पुगेर सगुन लिने प्रचलन रहँदै आएको छ । जात्राका दिन गाई तथा बिभिन्न भवानका आकृतिमा बालबालिकालाई सजाउनुका साथै, तामयमचा, श्रद्धान्जदी गीत संगीत सहित बाजागाजा बजाउँदै बजार परिक्रमा गर्ने गरिन्छ । गाईजात्रामा सृङ्गारिएर बालबालिकालाई सगुन दिएमा मृत आत्माले मुक्ति पाउने जनविश्वास रहँदै आएको छ ।
प्रतिक्रिया