सन् २०२१ को जुलाईमा चिनियाँ कम्युनिष्ट पार्टी (सीपीसी) को केन्द्रीय समितिका महासचिव चिनियाँ राष्ट्रपति सी चिनफिङले तिब्बत (Xizang) स्वायत्त क्षेत्रलाई सहयोगमा चिनियाँ कम्युनिष्ट पार्टीको महान भावना जोडिएको र यो चिनियाँ विशेषतासहितको समाजवादको महत्वपूर्ण लाभ भएको कुरामा जोड दिएका थिए । यो सम्पदालाई पुस्तादेखि अर्को पुस्तामा हस्तान्तरण गरिनुपर्छ, किनकि यसले उच्च जिम्मेवारी र अदम्य मनोवृत्तिको साथ हिउँले भरिएको पठारमा दीर्घकालीन स्थिरता र उच्च गुणस्तरीय विकासको नयाँ अध्याय लेख्ने चिनियाँ सरकारको मिशनलाई प्रष्ट पार्छ । जसले चिनियाँ विशेषतासहितको समाजवादी व्यवस्थाको श्रेष्ठता प्रदर्शन गर्नेछ ।
तिब्बतलाई सहयोग गर्ने भावनाले द्रुत र निरन्तर क्षेत्रीय विकासलाई बढावा दिन्छ
सन् १९९४ सिजाङका लागि निकै महत्वपूर्ण रह्यो । सीपीसी केन्द्रीय समितिको निर्देशनमा यातायात, बिजुली पावर स्टेशन, शिक्षा र चिकित्सा सेवा जस्ता प्रमुख जीविकोपार्जन परियोजनाहरू सुरु भए ।
तिब्बतसम्बन्धी तेस्रो फोरम सन् १९९४ मा आयोजित भएको थियो, जुन यसको उच्च स्तर, मापन, र समस्या समाधानको मामिलामा अभूतपूर्व थियो । फोरमले आपसी सहयोगको मानकीकृत कार्य मोडेलको विकास ग-यो, सामाजिक स्थिरता कायम राख्ने र तिब्बतको विकासलाई गति दिने सामान्य सिद्धान्त कायम र ६२ वटा परियोजना निर्माणमा तिब्बतलाई सहयोग गर्ने निर्णय गरेको थियो ।
त्यसपछि तिब्बतको विकासलाई समर्थन गर्ने केन्द्रीय निकाय र पुरै चिनियाँ सहयोग चिनियाँ कम्युनिष्ट पार्टी केन्द्रीय समितिको निरन्तर नीति बनेको छ । देशले तिब्बतलाई आधुनिक औद्योगिक प्रणाली स्थापना गर्न, कृषि र पशुपालनलाई आधुनिक विज्ञान र प्रविधिसँग एकीकृत गर्न र आधुनिकीकरणको प्रवर्द्धन गर्न र त्यहाँ आर्थिक जग बसाल्न ठूलो प्रयास गरेको छ ।
बीआरआई अन्तर्गत नयाँ च्यानलहरू
इतिहासमा “दक्षिणी सिल्क रोड“ र “प्राचीन चिया हर्स रोड“ मा एक महत्वपूर्ण सहभागीको रूपमा, तिब्बत रहेको छ । नयाँ युगमा चीन र दक्षिण एसियाली देशहरू बीचको आदानप्रदानको लागि तिब्बत महत्वपूर्ण प्रवेशद्वार पनि हो । विगत एक दशकमा तिब्बतले आर्थिक र व्यापारिक सहयोगलाई महत्वपूर्ण प्रवर्द्धनका रूपमा लिएको छ र बेल्ट एण्ड रोड इनिसिएटिभ (बिआरआई) साझेदार देशहरूसँग लगानी सहकार्यलाई सुदृढ गर्दै आएको छ । नेपालमा २०, म्यानमारमा एक र ताजकिस्तानमा तीन गरी २४ वटा विदेशी लगानी परियोजनाहरू सञ्चालन गरेको छ । ३४३ मिलियन अमेरिकी डलर संचित लगानी रकम रहेको यो परियोजनाअन्तर्गत यातायात, खनिज विकास, खुद्रा, कपडा, सेवा उद्योग र अन्य क्षेत्रहरू समावेश गरिएका छन् ।
एकातर्फ चीनको पश्चिममा नयाँ जमिन–समुद्र कोरिडोर जोड्ने मार्ग लगायत समग्र व्यापार सहयोगका लागि विगत एक दशकमा तिब्बतलाई बीआरआईमा गहिरो रूपमा एकीकृत गरिएको छ । एकातर्फ, सिचुआन, युनान, छिङहाई र अन्य छिमेकी प्रान्तहरूको विकाससँग तिब्बतलाई समन्वय गरिएको छ ।
अर्कोतर्फ, आन्तरिक र बाह्य एकीकरणलाई जोड्ने र पारस्परिक लाभ र जितको नतिजा हासिल गर्ने र दक्षिण एसियाली मुलुकसँग पनि संयुक्त रुपमा ट्रान्स हिमालयन इकोनोमिक कोअपरेसन करिडोर निर्माण गर्ने कार्यलाई तिव्रता दिइएको छ । तिब्बत बंगलादेश–चीन–भारत–म्यानमार आर्थिक कोरिडोरमा सक्रिय रूपमा एकीकृत हुँदैछ ।
“बंदरगाह कनेक्टिभिटीलाई आधार र खुला उद्योगहरूलाई केन्द्रको रूपमा लिने“ भन्ने सामान्य सिद्धान्तमा आधारित हुँदै तिब्बतले दक्षिण एसियाका लागि महत्वपूर्ण आर्थिक करिडोरहरूको निर्माणलाई प्रवद्र्धन गरेको छ । चीन–नेपाल स्थलव्यापार मार्गले दक्षिण एसियाका पाँचवटा अन्तरदेशीय क्षेत्रहरूमा अन्तर्राष्ट्रिय व्यापार र लजिस्टिक नेटवर्कको गठनलाई गति दिएको छ । र, चीनको दक्षिणपश्चिमी क्षेत्रबाट बनेको नयाँ भू–समुद्री च्यानलको निर्माणले यस क्षेत्रको आर्थिक विकासलाई प्रवर्द्धन गर्दै आसियान र विश्वसँग जोडिएको छ ।
भविष्यमा, तिब्बतमा व्यापक त्रि–आयामी यातायात नेटवर्कले दक्षिण एसिया भूमि कोरिडोर निर्माणको लागि बलियो जग खडा गर्नेछ । दक्षिण एशियाली क्षेत्रमा तिब्बतलाई चीनको खुलापन र विकासको लागि सबैभन्दा अत्याधुनिक “ब्रिजहेड“ बनाउनेछ ।
पूरक विकासलाई अँगाल्ने
बाह्य परिदृश्यमा क्षेत्रीय विशेषताहरूले औद्योगिक नवप्रवर्तनको मुख्य प्रतिस्पर्धात्मकता निर्धारण गर्दछ । राष्ट्रिय “बेल्ट एण्ड रोड“ यातायात अन्तरसम्बन्धले नयाँ उपलब्धिहरू हासिल गरिरहँदा तिब्बतले वैज्ञानिक रूपमा क्षेत्रीय पर्यटन विकास योजना बनाएको छ र पर्यटन उद्योगको खुलापनलाई विस्तार गरेको छ । हालैका वर्षहरूमा, तिब्बतले हाई–टेक डिजिटल उद्योगहरूको विकासलाई गति दिएको छ । दक्षिण एसियाका लागि डिजिटल पोर्ट निर्माण गरेको छ र डिजिटल औद्योगिकीकरण र औद्योगिक डिजिटलीकरणलाई बढावा दिएको छ ।
चीनको बाह्य सञ्चार र आदानप्रदानको महत्वपूर्ण नोडका रूपमा तिब्बतले नेपाल, भुटान, भारत, म्यानमार र बेल्ट एण्ड रोडका अन्य धेरै देशहरूलाई जोड्न महत्वपूर्ण भूमिका खेल्दै आएको छ र जारी राख्नेछ । पश्चिमी शक्तिहरूको “चासो“ खेल भन्दा फरक बीआरआईले खुला, समावेशी, सन्तुलित र सबैको जितको दिशामा आर्थिक विश्वव्यापीकरणको प्रवर्द्धनलाई मात्र जोड दिँदैन भविष्यमा सबैले जित्ने सहयोग सहयोग र प्रशंसामा पनि धेरै ध्यान दिन्छ । साझा विकासको दृष्टिकोणले मात्रै सभ्यता र समृद्धि हासिल हुन्छ ।
चिनियाँ संचारमाध्यम सीजीटीएनमा प्रकाशित यो लेखले चिनियाँ विशेषतासहितको समाजवाद निर्माणमा तिब्बतको भूमिकालाई प्रष्ट पार्न खोजेको छ । लेखमा लेखकहरुको निजी विचार प्रतिबिम्बित छ ।
प्रतिक्रिया