स्याङ्जामा पहिरोले घर बगाउँदा आमा छोरीको मृत्यु

स्याङ्जा । पहिरोले घर बगाउँदा स्याङ्जामा एकै परिवारका दुई जनाको मृत्यु भएको छ ।

फेदीखोला गाउँपालिका-५ मा गएराति साढे ११ बजे आएको पहिरोले घर पुरिँदा ३१ वर्षिया दुर्गा जिटी र छोरी ३ वर्षीया निकिसाको मृत्यु भएको हो ।

जिल्ला प्रहरी कार्यालयका डीएसपी इन्द्र बहादुर राणाका अनुसार राति सुतिरहेको बेला घरभन्दा २५ मिटर माथिबाट खसेको पहिरो उनीहरुलाई पुरेको थियो । पहिरोमा पुरिएर एक भैँसी पनि मरेको डिएसपी राणाले जानकारी दिए ।