काठमाडौं । ६ किलो सुन सहित पक्राउ परेका चिनियाँ नागरिक बताउने ३७ वर्षीय शेरब ग्याल्मोसँग नेपाली जनगरिकता भएको पाइएको छ । आफूलाई चिनियाँ नागरिक बताउने ग्याल्मो भन्ने सोनाम गुरूङको साथबाट प्रहरीले नेपाली नागरिकता फेला समेत पारेको जानकारी दिएको छ ।
उनको साथबाट सोनाम गुरूङको नाममा रहेको नेपाली नागरिकताको प्रमाण पत्र एक थान बरामद भएको नेपालको केन्द्रीय अनुसन्धान ब्यूरो सीआईबीका प्रवक्ता होबिन्द्र बोगटीले जानकारी दिएका छन् ।
आफूलाई चिनियाँ नागरिक बताउने गुरूङले अवैधरूपमा सुन तस्करी गर्दै आएको प्रहरीको प्रारम्भिक अनुसन्धानले देखाएको छ । गत साउन २ गते त्रिभुवन अन्तर्राष्ट्रिय विमानस्थलबाट बरामद भएको ६० किलो अवैध सुनको थप अनुसन्धान गर्ने क्रममा गुरूङ पक्राउ परेको सीआईबीले जनाएको छ ।
सोमबार बिहान सीआईबीको टोलीले ६ किलो सु्नसहित गुरूङलाई बौद्धको तिनचुलीबाट नियन्त्रणमा लिएको थियो । प्हरीका अनुसार उनको साथबाट ९९९.९ किलो सुनको ईट्टा ६ थान (आधिकारिक रुपमा तौल र परीक्षण बाँकी), ४८ लाख नेपाली नगद रुपैयाँ र ३ थान मोबाइल बरामद भएको छ। पक्राउ परेका शेरब ग्याल्मो प्रहरीको खोजी सूचमिा रहेको ब्यक्ति भएको सीआईबी प्रमुख एआईजी श्याम ज्ञवालीले बताए ।
गुरूङ अवैध सुन भन्सार चोरी पठारी गर्दै आएको खुलेको प्रहरीले जनाएको छ। बरामद सुन र गुरूङ बारे सीआईवीले थपअनुसन्धान गरिरहेको प्रहरीको केन्द्रिय अनुसन्धान ब्युरोले जानकारी दिएको छ ।
प्रतिक्रिया