बुटवल । भारतबाट घुम्न आएका एक किशोरको तिनाउ नदीको ड्याममा डुबेर मृत्यु भएको छ । आज मध्यान्ह तिनाउको ड्याममा पौडी खेल्न गएका भारत गोरखपुर थाना, सैजन्वा रङ्गौलिग्रामका अन्दाजी १५ बर्षिय आर्यन कुमारको तिनाउमा डुबेर मृत्यु भएको हो ।
परिवारका सदस्य र साथीहरुसहित घुम्न आएका आर्यन मध्यान्ह २ बजे तिनाउको ड्याममा पौडी खेल्न गएका थिए । पौडी खेल्ने क्रममा बेपत्ता भएको भन्ने खबर पाए लगत्तै प्रहरी चोकी दोभानको टोलि घटना स्थल पुगी खोजतलास गर्दा मृत अवस्थामा शव फेला परेको पाल्पा प्रहरीले जनाएको छ ।
घटना सम्बन्धमा अनुसन्धान भइरहेको पाल्पा प्रहरी प्रवक्ता डीएसपी सुगन्ध श्रेष्ठले बताए ।
प्रतिक्रिया