बाँकेका बिभिन्न स्थानबाट चोरी भएका ९ थान मोटरसाईकल बरामद, ४ जना पक्राउ

नेपालगन्ज । बाँके प्रहरीले जिल्लाका विभिन्न स्थानबाट चोरी भएका नौ वटा मोटरसाइकल बरामद गर्दै चोरीमा संलग्न केही ब्यक्तिहरुलाई पक्राउ गरेको छ । बिभिन्न कम्पनीका ९ थान मोटरसाईकल फेला पारेको प्रहरीले मोटरसाइकल चोरीमा संलग्न चार जनालाई पक्राउ गरेर सार्वजनिक गरेको छ ।

जिल्लामा पछिल्लो समयमा मोटरसाइकल चोरीका घटनाहरु दैनिकरुपमा बढेको भन्ने सर्वसाधारणको गुनासोका आधारमा विशेष प्रहरी टोलि परिचालन गरिएको जिल्ला प्रहरी कार्यालय बाँकेका सूचना अधिकारी प्रहरी नायब उपरीक्षक नारायण डाँगीले जानकारी दिए ।

डीएसपी डाँगीका अनुसार मोटरसाइकल चोरीमा संलग्न खजुरा गाउँपालिका वडा नं. ७ का बहुर बर्मा, सोही ठेगानाका फरिद दर्जी, उमेश वर्मा र राजन सोनीलाई प्हरीले पक्राउ गरेको हो ।

पक्राउ परेका चारै जना व्यक्तिलाई चोरी कसूरमा बाँके जिल्ला अदालतबाट पाँच दिन म्याद थपको अनुमति लिई थप अनुसन्धान एवम् कारबाही अगाडी बढाइएको उनले बताए ।

बरामद गरिएका मोटरसाइकलका सवारी धनि नखुलेका कारण आवश्यक कागजपत्रसहित प्रहरी कार्यालयमा सम्पर्क गर्न सर्वसाधारणलाई बाँके प्रहरीले अनुरोध गरेको छ । बाँकेमा पछिल्लो समयमा दैनिकजसो मोटरसाइकल चोरीका घटना बढ्दै गएको भनेर सर्वसाधारणले गुनासो गर्दै आएका थिए ।

फेला परेका मोटरसाइकलको विवरण :