काठमाडौं । कांग्रेस महामन्त्री गगनकुमार थापाले नेपाली कांग्रेसले संसदीय छानबिन समिति गठन नभएसम्म प्रधानमन्त्रीले विश्वासको मत लिन नदिने बताएका छन् । संसदमा गृहमन्त्री रबि लामिछाने बोले लगत्तै पत्रकार सम्मेलन गरेका महामन्त्री थापाले संसदीय छानबिन समिति गठन नभएसम्म प्रधानमन्त्रीले विश्वासको मत लिनका लागि बस्ने संसद बैठक चल्न नदिने बताएका हुन् ।
आइतबार कांग्रेस महामन्त्री गगनकुमार थापाले पत्रकार सम्मेलन गरी संसदीय छानबिन समिति गठन नभएसम्म प्रधानमन्त्रीले विश्वासको मत लिने बैठक पनि चल्न नदिने बताएका हुन् ।
सोमबार प्रधानमन्त्री पुष्पकमल दाहाल प्रचण्डले विश्वासको मत लिने तयारी गरेका छन् । महामन्त्री थापाले जुन उद्देश्यका लागि छानबिन समिति माग गरिएको हो, त्यही अनुसार गठन भए मात्र संसद चल्ने बताए ।
महामन्त्री थापाले गृहमन्त्री लामिछानेले संसद्मा दिएको अभिव्यक्ति टेलिभिजन प्रस्तोता जस्तो भएको टिप्पणी गरे । उनले संसद बैठकमा गृहमन्त्रीले फाइल खोलिदिऊँ ? भनेर भनेको सुन्दा आफू चकित भएको बताए । धमाधम फाइल खोल्नुपर्ने गृहमन्त्रीले बार्गेनिङ शैलीमा ुफाइल खोलिदिऊँ ?ु भनेको महामन्त्री थापाले बताए ।
‘गृह मन्त्रालय भनेको त ठुलो जिम्मेवारी हो नि । हाम्रो सरकारको कार्य सञ्चालन नियमावलीले पनि गृह मन्त्रालयलाई त्यसमाथि पनि अझ उपप्रधानमन्त्री कति धेरै महत्त्वपूर्ण जिम्मेवारी दिइएको छ । आज मैले उहाँले भन्दैगर्दा यसो सुनेको थिए–म तेरो फाइल खोलिदिऊ?, म तेरो अनुसन्धान गरिदिऊँ ? मेरो गर्छु भन्छस् भने तेरो पनि गरिदिन्छु,’ उनले भने, ‘अरे बाबा, गृहमन्त्रीले यस्तो भन्न मिल्छ र ? गृह मन्त्रीले त धमाधम फाइलको पनि खोल्ने हो ।’
प्रतिक्रिया