तिलोत्तमाको शंकनगरचोकमा स्कुटर ठोक्किंदा २ जना घाइते, एकको अवस्था गम्भीर

तिलोत्तमा । रुपन्देहीको तिलोत्तमा नगरपालिका २ शंकरनगरचोकमा दुई स्कुटी एक आपसमा ठोकिदा २ जना घाइते भएका छन । गएराती करिव सवा ८ बजे बुटवलबाट भैरहवातर्फ आउदै गरेको लु ७० प ६७७ तथा सोही दिशा तर्फ जादै गरेको लु ५१ प ४४४२ नम्बरको स्कुटर तिलोत्तमा २ स्थित सिक्सलेन सडकखण्डको मुल सडकमा ठोक्किएका थिए ।

दुर्घटनामा परि लु ५१ प ४४४२ नम्बरको स्कुटरमा सवार तिलोत्तमा १ ड्राइभरटोल निवासी ६० वर्षीय पुष्परत्न मल्ल गंभीर घाइते भएका छन । उनको टाउँको, अनुहार र छातीमा गंभीर चोट लागेकाले क्रिमसन अस्पतालमा ल्याई भेन्टिलेटरमा राखेर उपचार भैरहेको प्रहरीले जनाएको छ । यसैगरि लु ७० प ६७७ का चालक अर्घाखाँचीको सन्धिखर्क नगरपालिका वडा न ५ बस्ने अन्दाजी ३५ वर्षीय विकल्प भट्टराईको दुवै खुट्टामा चोट लागी उपचारका लागी अस्पताल आएकोमा सामान्य उपचारपछि डिस्चार्ज गरिएको प्रहरीले जनाएको छ । घटनाबारे थप अनुसन्धान भैरहेको पनि प्रहरीले जनाएको छ ।