४ चैत्र २०८१, सोमबार | March 18, 2025

साधन स्रोत र सुरक्षा दरबन्दी बिना बालसुधार गृह संचालनमा, १२ बालबन्दी फरार



नेपालगन्ज । बाँकेको बाल सुधार गृहमा दुई समूह बीच भएको झडप पछि भागेका मध्ये १२ बालबन्दी अझै सम्पर्कविहीन रहेका छन् । पुस १५ गते बालसुधार गृहमा भएको झडप पछि १५ बालबन्दी कारागारबाट भागेकोमा ३ जना सम्पर्कमा आएपनि १२ जना अझै सम्पर्कमा नआएका हुन् ।

सुधार गृहमा विभिन्न जिल्लाबाट १ सय १५ जना राखिएकोमा हाल १ सय ३ जना मात्र बालबन्दी रहेको नौबस्ता बालसुधार गृह प्रमुख श्याम रानाले बताए । उनले १२ जना फरार कै अवस्थामा रहेको बताए । नौबस्तामा बालबन्दी बीच झडप भएपछि सुरक्षा कारणले २१ जनालाई अलग्गै राखिएको उनले जानकारी दिए । बाल सुधार गृह सुरक्षाका लागि नेपाल प्रहरी र सशस्त्र प्रहरी तैनाथ छन् । बाल सुधारगृहको सुरक्षाका लागि नेपाल प्रहरीले प्रहरी नायब निरीक्षकको कमान्डमा २५ जना र सशस्त्र प्रहरीले प्रहरी निरीक्षकको कमान्डमा ३० जना प्रहरीलाई नौबस्तामा राखिएको छ ।

सुधार गृह संचालनमा आएपनि त्यसका लागि आवश्यक सुरक्षाकर्मीको दरबन्दीको व्यवस्थापन नगरिएको प्रहरीले जनाएको छ । दरबन्दी नभएपछि भएकै प्रहरीहरू यताउताबाट तानेर सुधार गृहको सुरक्षाका लागि खटाइएको इलाका प्रहरी कार्यालय कोहलपुरका प्रमुख डीएसपी सुन्दर तिवारीले बताए । संघ, संस्थाले भाँडाकुडा, खेलकुद सामाग्री सहयोग गरेको आधारमा सुधारगृहमा अतिरिक्त क्रियाकलप भएपनि शुद्ध खानेपानीको समस्या यथावत रहेको सुधार गृह प्रमुख रानाले बताए । उनले सुधार गृहमा रहेका बालबन्दीलाई कानुनी परामर्श र मनोसामाजिक परामर्श निकै आवश्यक रहेपनि उपलब्ध नभएको बताए ।

गत असोजमा बाँकेको नौबस्तामा निर्माण गरिएको क्षेत्रीय कारागारमा सुधार गृह सञ्चालनमा आएको थियो । बाँकेको डु्डुवा गाउँपालिकामा रहेको जयन्दु बाल सुधार गृहमा असोजको पहिलो साता एक बालकको ज्यान जाने गरी घटना भएपछि हतार हतारमा नौबस्ताको कारागारलाई बाल सुधार गृहकारुपमा संचालनमा ल्याइएको थियो । देशभर रहेका विभिन्न बाल सुधार गृह क्षमता भन्दा बढी र १८ बर्ष नाघिसकेका समेत बन्दीहरु रहँदा हुन सक्ने र भइरहेको विवाद र द्वन्द्वका कारण क्षेत्रीय कारागारको ब्लकमा बाल सुधार गृह सञ्चालनमा ल्याइएको थियो ।

१८ बर्ष नाघेका बालबन्दी सारिए पछि भने डुडुवाको बाल सुधार गृह सामान्य रूपमा चलिरहेको छ ।

प्रकाशित मिति : १९ फाल्गुन २०८०, शनिबार  ७ : ११ बजे

‘सहकारीसम्बन्धी केही नेपाल ऐनलाई संशोधन गर्ने विधेयक’ मत विभाजनबाट पारित

काठमाडौँ । प्रतिनिधिसभाको आजको बैठकले ‘सहकारीसम्बन्धी केही नेपाल ऐनलाई संशोधन

ऊर्जा मन्त्रालयले गठन गरेको छानबिन समितिलाई कामकाज गर्न नदिन सर्वोच्चको अन्तरिम आदेश

काठमाडौँ । सर्वोच्च अदालतले ऊर्जा, जलस्रोत तथा सिँचाइ मन्त्रालयले गत

चौध वटा सङ्घीय अस्पतालमा नयाँ सेवा थप गरिने

काठमाडौँ । स्वास्थ्य तथा जनसङ्ख्या मन्त्रालयले यही चैतमा सङ्घीय अस्पताल

जनताप्रति जिम्मेवार हुनेगरी सङ्घीयता कार्यान्वयनमा ध्यान दिनुपर्छ : सभापति देउवा

ललितपुर । नेपाली कांग्रेसका सभापति एवम् पूर्वप्रधानमन्त्री शेरबहादुर देउवाले जनताप्रति

नेपाल प्रहरीको ३१ औ प्रहरी महानिरीक्षकमा दीपक थापा नियुक्त

काठमाडौँ । मन्त्रिपरिषद्को बैठकले नेपाल प्रहरीको ३१ औ प्रहरी महानिरीक्षकमा