स्थापना दिवसको अवसरमा रक्तदान कार्यक्रम

बुटवल । मालिका बचत तथा ऋण सहकारी संस्था लिमिटेड बुटवल ११ को रक्तदान कार्यक्रम सम्पन्न भएको छ । रक्तदान जीवनदान भन्ने मुल नाराका साथमा कार्यक्रम भएको हो ।

सहकारीको १६ ओैं स्थापना दिवसको सन्दर्भमा कार्यक्रम गरिएको अध्यक्ष कपिल आचार्यले बताए । सहकारीले हरेक बर्ष यसप्रकारको सामाजिक काम गर्दै आएको उनको भनाइ छ ।

उनले १ हजार २ सय सदस्य र ३० करोडको कारोबार गरिरहेको सहकारीमा नया सदस्यको संख्यामा समेत वृद्धि भएको बताए । कार्यक्रममा बोल्दै प्रमुख अतिथि वडाध्यक्ष रामचन्द्र खनाल क्षेत्रीले रक्तदान सबैभन्दा ठुलो धर्म भएको बताए ।

कार्यक्रममा संयोजक उपाध्यक्ष बिमलराज घिमिरे, सचिव सुशील नेपाल, सहसंयोजक अर्जुन कुवर, लिलाधर खनाल, ,यज्ञेश्वर मरासिनी ,रामराज लामिछाने लगायतले बोलेका थिए । सहकारीले बुटवल, तिलोत्तमा, सैनामैना र देवदहलाइ कार्यक्षेत्र बनाएको छ ।

रक्तस‌चार केन्द्र बुटवलले प्राबिधिक सहयोग गरेको साे कार्यक्रममा ७३ युनियट रगत संकलन भएको छ ।