गुल्मी । गुल्मी चन्द्रकोट गाउँपालिका–४ हुग्दी खोला किनारमा मृत भेटिएकी १५ वर्षकी मनिषा रुचाललाई बलात्कार पछि हत्या भएको प्रहरीले जनाएको छ । बालिका मनिषालाई बलात्कारपछि हत्या गरेको आरोपमा प्रहरीले एक जनालाई पक्राउ गरेको छ ।
पक्राउ पर्नेमा बाँके खजुरा गाउँपालिका–७ घर भई हाल चन्द्रकोट गाउँपालिका–४ बस्ने २३ वर्षीय रहिस खाँ रहेका छन् । बलात्कार र हत्या अभियोगमा खाँलाई पक्राउ गरिएको गुल्मीका प्रहरी प्रमुख प्रहरी उपरक्षिक नवीन किशोर प्रधानले बताए ।
कात्तिक १७ गते बिहान जिल्लाको चन्द्रकोट गाउँपालिका–४ हुग्दी खोला किनारमा १५ वर्षकी मनिषा रुचालको नग्न अवस्थामा शव भेटिएको थियो ।
खाँलाई ५ दिन हिरासतमा राखेर अनुसन्धान गर्न प्रहरीले जिल्ला अदालतबाट अनुमति लिइएको एसपी प्रधानले बताए ।
१६ कात्तिकमा बागलुङको बरेङ गाउँपालिका घर भई हाल चन्द्रकोट गाउँपालिका– ४ बस्दै आएकी मनिषा खेतालालाई सुर्ती लिन खेतबाट पसलतर्फ गएर उतै बेपत्ता भएकी थिइन् । पसलबाट नफर्किएकी मनिषको १७ कात्तिकमा हुग्दी खोलामा मृत अवस्थामा शव फेला परेको थियो ।
प्रतिक्रिया