बुटवलमा आतिसबाजी/पटाकाको तस्करी गर्ने एकजना पक्राउ

बुटवल । दीपावली नजिकिएसँगै भारतीय सीमानाकाहरुबाट पटाका र आतिसबाजीको तस्करी गर्नेहरु सक्रिय भएका छन् । प्रहरीले कडाई गरेको बताएपनि तिहार आउन २ साता बाँकी छँदै शहरबजारमा पटाका पड्कीन सुरु भइसकेको छ ।

शहरबजारमा पटाका पड्कीन थालेपछि प्रहरीले पनि सक्रियता बढाएको जनाएको छ । ईलाका प्रहरी कार्यालय बुटवलले ठुलो परिणाममा पटाका सहित एकजनालाई पक्राउ गरेको छ । बुटवल-६ सुन्दरनगरमा भण्डारण गरेर राखिएको ठुलो परिमाणको पटाका सहित प्रहरीले एकजनालाई पक्राउ गरेको हो ।

बुटवल ६ खयरघारी सुन्दरनगर स्थीत सुरज गुप्ताको घरमा भण्डार गरी राखेको बिभिन्न नामका र बिभिन्न आकारका ३ लाख ३७ हजार ९८१ बराबरको पटाका सहित बुटवल-५ का २१ वर्षीय सुरज गुप्तालाई पक्राउ गरिएको इलाका प्रहरी कार्यालय बुटवलका डिएसपी दानबहादुर थापाले जानकारी दिए ।

पक्राउ परेका गुप्तामाथि थप अनुसन्धान भइरहेको डिएसपी थापाले जानकारी दिए ।