हमासद्दारा एक आमा र दुई बालिका रिहा, इजरायलले भन्यो, ‘विश्वास छैन्

गाजा । हमासले इजरायली महिला र दुई बालबालिकालाई रिहा गरेको दाबी गरेको छ ।

प्यालेस्टिनी लडाकु समूह हमासले बुधबार दाबी गरेको छ कि उसले इजरायली सेनासँगको लडाईमा हिरासतमा परेका एक इजरायली महिला र उनका दुई बच्चाहरूलाई रिहा गरेको छ । तर, इजरायली टेलिभिजन नेटवर्कहरूले उक्त घोषणालाई अस्वीकार गरेका छन् ।

सो बारेमा इजरायली सेनाले हमासको सो दावी माथी अनुसन्धान गरिरहेको बताएको छ । हमासको सशस्त्र शाखा एजेडिन अल-कासिम ब्रिगेडले एक विज्ञप्तिमा, ‘एक इजरायली निवासी र उनका दुई छोराछोरी, जसलाई झडपको क्रममा पक्राउ गरिएको थियो, रिहा गरिएको छ ।’

हमास टेलिभिजनको अल-अक्सा नेटवर्कद्वारा प्रसारित भिडियो फुटेजमा इजरायल र गाजा पट्टीको बीचमा रहेको काँडे तार क्षेत्रमा दुई बच्चाहरूसहित नीलो शर्ट लगाएकी एउटी महिलालाई देखाइएको छ, जो तीन हमास लडाकुहरूसँग हिडिँरहेका छन् । फुटेजले कुनै पनि सैन्य कर्मचारीले तीनैलाई प्राप्त गरेको देखाएको छैन र क्लिप दिनको उज्यालोमा खिचिएको जस्तो देखिन्छ ।’ सो फुटेजको प्रामाणिकता स्वतन्त्र रूपमा प्रमाणित गर्न अझै सकिएको छैन् ।

इजरायली टेलिभिजन च्यानलहरूले हमासको दावीलाई अस्वीकार गरे र भने कि घातक हमला पछि हमास लडाकुहरूले महिला र दुई बच्चाहरूलाई गाजा पट्टीमा कहिल्यै लगेनन् । च्यानलहरूले ती महिलालाई किबुट्ज होलिटकी निवासी अविटल अलादजेमको रूपमा पहिचान गरेका छन् । जसले यस हप्ता अन्तर्वार्ताको श्रृंखलामा आफू र उनका छिमेकीका दुई बच्चाहरूलाई हमासका लडाकुहरूले जबरजस्ती इजरायल र गाजा पट्टीको सीमा क्षेत्रमा लगेको बताएका थिए ।