बुटवल । अनेरास्ववियु बुटवल उपमहानगर कमिटीले बुटवल उपमहानगरपालिका नगर प्रमुख खेलराज पाण्डेलाई ज्ञापनपत्र बुझाएको छ । कमिटीले शिक्षाको क्षेत्रमा विकृती बढ्दै गएको भन्दै नगर प्रमुख पाण्डेलाई ज्ञापनपत्र बुझाएको हो ।
अनेरास्ववियु बुटवल उपमहानगर कमिटीका अध्यक्ष रोशन घिमिरेले संस्थागत विद्यालयहरुले विद्यार्थीहरुलाई दिनुपर्ने छात्रवृत्ति उपलब्ध नगराएको भन्दै नगरप्रमुख पाण्डेलाई ज्ञापनपत्र बुझाएको बताए ।
संस्थागत विद्यालयहरुले कुल विद्यार्थी संख्याको कम्तीमा दश प्रतिशतमा बिपन्न, अपांगता भएका, महिला, दलित, जनजाति तथा लक्षित वर्गका विद्यार्थीलाई छात्रवृत्ति उपलब्ध गराउनु पर्ने व्यवस्था छ । विद्यालयहरुले छात्रवृत्ति प्राप्त गर्ने विद्यार्थीको छनौट भइसकेपछि तिनको आधार, शर्त र प्रक्रियाका बारेमा समेत सार्वजनिक गर्नुपर्ने ब्यवस्था भएपनि विद्यालयहरुले सार्वजनिक गरेका छैनन् ।
अनेरास्ववियुले विद्यालयहरुले दिएका छात्रवृत्तिको विवरण सार्वजनिक गर्न माग गरेको छ । ज्ञापनपत्र बुझ्दै उपमहानगरपालिकाका प्रमुख खेलराज पाण्डेले अनेरास्ववियुले उठाएका मागहरु जाएज रहेको र कार्यान्वयनको लागि तत्काल सम्वोधन गर्ने बताए ।
कार्यक्रममा अनेरास्ववियुका केन्द्रीय सदस्य तथा रुपन्देहि इन्चार्ज साजन भण्डारी , जिल्ला उपाध्यक्ष भरत अर्याल , रमेश ढकाल, तिलोतमा नगर अध्यक्ष सरोज खनाल लगायत जिल्ला नगर कमिटिका पदाधिकारी सदस्यहरुको उपस्थीति रहेको थियो ।
प्रतिक्रिया