शताब्दी पुरूष सत्यमोहनकी पत्नी राधादेवी जोशीको निधन

काठमाडौं । शताब्दी पुरूष सत्यमोहन जोशीकी पत्नी राधादेवी जोशीको निधन भएको छ। ललितपुरको किस्ट अस्पतालमा उपचारका क्रममा शनिबार बिहान उनको निधन भएको हो ।

स्वास्थ्यमा समस्या देखिएपछि गत १६ चैतमा अस्पताल भर्ना भएकी उनको सय वर्षको उमेरमा शनिबार बिहान ५ः५६ बजे निधन भएको अस्पतालले जनाएको छ । गत ३० असोजमा शताब्दी पुरुष सत्यमोहन जोशीको निधन भएको थियो ।

१०० वर्षको उमेरमा निधन भएकी राधादेवी ८४ वर्षभन्दा लामो समयसम्म पति जोशीसँग अविछिन्न सहयात्रामा रहिन् । ६४ वर्ष पार गर्दा सम्म पनि राधादेवी सत्यमोहनको भान्सादेखि ओखतिसम्मको व्यवस्थापन आफैँ गदैं आएकी थिइन् ।