पोखरामा एक युवकले गरे शौचालयभित्र आत्मदाहको प्रयास

पोखरा । पोखरामा एक युवकले आफै भाडामा बस्दै आएको घरको शौचालयमा आत्मदाहको प्रयास गरेका छन् । पोखरा महानगर –१३ बस्दै आएका ती युुवाले आइतबार बिहान शौचालय गएर आत्मदाहको प्रयास गरेका हुन् ।

काठमाडौंको नयाँ वानेश्वरस्थित संसद भवन अगाडि व्यवसायी प्रेम आचार्यले आत्मदाह गरेको घटना सेलाउन नपाउँदै पोखरामा आत्मदाहको अर्को प्रयास भएको हो ।

भाडामा बस्दै आएका युवा शौचालय गएर आफ्नै शरीरमा पेट्रोल छर्किएर आगो लगाएको प्रहरीले जनाएको छ । प्रहरीका अनुसार घटना थाहा पाउने वित्तिकै सोही घरकी घरधनी महिलाले आगो निभाउन गएकी र आगो निभाउने क्रममा ती महिला पनि घाइते भएकी छन् ।

आगोमा जलेर घाइते भएका दुबै जनालाई उपचारका लागि पोखरा स्वास्थ्य विज्ञान प्रतिष्ठान लगिएको छ। आत्मदाह प्रयास गर्नुका कारण भने अहिलेसम्म नखुलेको प्रहरीले जनाएको छ  ।