बुटवल । स्वतन्त्र नागरिक समुह नेपालले बुटवलबाट देशभक्तिपूर्ण गित ‘नेपालको जय होस’ म्युजिक भिडियो प्रस्तुत गर्ने भएको छ । बुधबार बुटवलमा पत्रकार सम्मेलन गरि सुटिङको तयारी पुरा भएको जानकारी दिइयो ।
पत्रकार सम्मेलनमा बोल्दै समुहका अध्यक्ष अध्यक्ष विश्वराज गैरेले म्युजिक भिडियोलाई फिल्म निर्देशक शिव ढकाल र नृत्य निर्देशक कमल राईको निर्देशन गर्ने तय भएको बताए । ६ मिनेट २० सेकेन्ड लामो गितको सुटिङ नयाँगाँउस्थित मुक्तिनाथ धाममा पुस १५ गते शुभमुहर्त गरिने अध्यक्ष गैरेले बताए । चार दिनसम्म चल्ने सुटिङ लुम्बिनी, मणिग्राम लगायत पर्यटकिय क्षेत्रहरुमा हुने उनले बताए ।
गैरेका अनुसार प्रविधि र प्राविधिक टिम भने काठमाडौबाट आउने छ । नागरिक समुहले तयार गर्न थालेको म्युजिक भिडियोमा ४० वर्षदेखि फिल्ममा नृत्य निर्देशकको रुपमा योगदान दिएका कमल राई पहिलो पटक म्युजिक भिडियो निर्देशन गर्नेगरि अनुबन्ध गरिएको उनले बताए । पाँच सय बढि फिल्ममा काम गरेको अनुभव बटुलेका राई म्युजिक भिडियोमार्फत पहिचानमा लागेका छन ।
पत्रकार सम्मेलनमा बोल्दै नृत्य निर्देशक राईले नयाँ युवाहरुमा अनुसासन र माटोको माया उत्पन्न गराउन आफुले म्युजिक भिडियो निर्देशन स्विकार गरेको बताए । बालबालिकाहरुलाई सन्देश दिन र नेपाल र नेपालीको पहिचान दिन म्युजिक भिडियो बनाउन थालिएको उनले बताए । उनले नयाँ पुस्तामा देश, देश प्रेम र माटो प्रतिको माया जगाउन बन्न लागेको म्युजिक भिडीयोले टेवा पुग्ने उनले बताए ।
प्रतिक्रिया