हेटौंडा । मकवानपुरको भीमफेदीमा यात्रुबस दुर्घटना हुँदा ६ जनाको मृत्यु भएको छ ।
काठमाडौंबाट हेटौंडाका लागि छुटेको बा ३ ख ७८५८ नम्वरको बस भीमफेदी गाउँपालिकाको जुरिखेतमा दुर्घटना भएको थियो । भीमफेदीको आरोलो घुम्तीमा मोड्ने क्रममा ब्रेक नलागेपछि बस सडकबाट खसेको प्रहरीले जनाएको छ ।
दुर्घटनास्थलमा पाँच जनाको शव रहेको छ । बसभित्र पनि केही यात्रुहरु रहेका छन् । प्रहरी र स्थानीय बासिन्दाको सहयोगमा उद्दारको काम भैरहेको छ ।
प्रतिक्रिया