नेपालगन्ज । नेपालीहरुको महान पर्व बडा दशैको अवसर पारेर बाँकेको खजुरामा दशै महोत्सवगरिने भएको छ ।
आदर्श युवा बचत समुह (आदर्श युवा क्लव) खजुराले असोज १६ गते सप्तमीका दिन महोत्सव आयोजना गरिने आयोजकले जनाएको छ । महोत्सवका लागि खजुरा स्थित एक नम्बर बजारमा आयोजना गरिन लागेको दशैं महोत्सव तथा सास्कृतिक कार्यक्रम २०७९ को सचिवालय उद्घाटन भइसकेको छ ।
समूूहले यसपटक दशै पर्वलाई वृहत बनाउन शुभकामना आदान प्रदान, सांस्कृतिक कार्यक्रम, स्थानीय सामुदायिक विद्यालयलाई डस्टविन वितरणसँगै निःशुल्क स्वास्थ्य शिबिर समेत सञ्चालन गर्ने कार्यक्रम राखिएको दशैं महोत्सव तथा सांस्कृतिक कार्यक्रम २०७९ का संयोजक खगेन्द्र दाहालले जानकारी दिए ।
महोत्सवमा खजुरा, नेपालगन्ज, बर्दिया लगायतबाट दर्शकहरु अवलोकन गर्न आउने समूहका सचिव सुवास निरौलाले अपेक्षा गरे ।
स्थापनाकालदेखि नै सामाजिक कार्य गर्दै आइरहेको समूहले विगतका वर्षहरुमा सामाजिक कार्यसँगै विभिन्न पर्वहरुलाई हर्ष उल्लासका साथ मनाउन निरन्तर रुपमा सांस्कृतिक कार्यक्रमहरु सञ्चालन गर्दै आइरहेको छ ।
प्रतिक्रिया