भैरहवाबाट ३५ ग्राम ब्राउनसुगर सहित १ जना पक्राउ

बुटवल । रुपन्देही प्रहरीले भैरहवाबाट ३५ ग्राम बढी ब्राउनसुगर सहित १ जनालाई पक्राउ गरेको छ । ईलाका प्रहरी कार्यालय बेलहिया रुपन्देहीबाट खटिएको प्रहरी टोलीले सिद्धार्थनगर नगरपालिका वडा नं. १ बेलहिया बसपार्कबाट सो परिमाणको ब्राउनसुगर सहित काभ्रेपलान्चोक चौरीदेउराली गाउँपालिका वडा नं. १ का २२ वर्षिय निश्चल उप्रेतीलाई पक्राउ गरेको हो ।

बसपार्कमा लागु औषध कारोवार भईरहेको भन्ने गोप्य सूचनाको आधारमा सोधपुछ तथा रितपुर्वक शरिर खानतलासी गर्दा निजले बोकेको खैरोरङको झोला भित्र लुकाई छिपाई राखेको अवस्थामा व्राउनसुगर फेला परेको प्हरीले जनाएको छ ।

पक्राउ परेका उप्रेतीलाई रुपन्देही जिल्ला अदालत रुपन्देहीबाट म्यादथप अनुमती लिई थप अनुसन्धान कार्य भईरहेको प्रहरीले जनाएको छ ।