गिरीको शोकमा ३ दिनसम्म कांग्रेसले पार्टी झण्डा झुकाउने, भोलि देशभरका कार्यालय बन्द

काठमाडौं। नेपाली कांग्रेसले प्रदीप तीन दिनसम्म पार्टीको झण्डा आधा झुकाउने भएको छ ।

पार्टी नेता एवं सांसद प्रदीप गिरिको निधनको शोकमा कांग्रेसले झण्डा झुकाउने निर्णय गरेको हो ।

आइतबार आकस्मिक रुपमा बसेको कांग्रेस केन्द्रीय कार्यसमितिको बैठकले आइतबार, सोमबार र मंगलबार केन्द्रीय कार्यालय सहित देशभरका सबै कार्यालयमा आधा झण्डा झुकाउने निर्णय गरेको हो । यसबीचमा श्रद्धान्जली बाहेकका अन्य कुनै पनि कार्यक्रम नगर्ने समेत निर्णय गरिएको छ ।

यसैगरी भोलि सोमबार सबै पार्टी कार्यालयहरु बन्द हुनेछन् भने १३ दिनसम्म कार्यालयहरुमा शोक पुस्तिका राख्ने निर्णय पनि कांग्रेसले गरेको छ । १६ गते शोकसभाा हुनेछ ।

कांग्रेस नेता एवं सांसद गिरीको शनिबार राति निधन भएको थियो ।