काठमाडौं । चिनियाँ विदेशमन्त्री वाङ यीले चीनको अपमान गर्नेलाई कडा दण्ड दिइने प्रतिवद्धता जनाएका छन् ।
अमेरिकी संसदका सभामुख न्यान्सी पेलोसीले चीनको ताईवानको उत्तेजनापूर्ण भ्रमण गरेपछि क्रुद्ध चिनियाँ नेताहरुले प्रतिक्रिया जनाउनेक्रममा विदेशमन्त्री वाङको कडा टिप्पणी आएको हो ।
आसियान मुलुकका विदेशमन्त्रीहरुको बैठकमा भाग लिन कम्बोडिया पुगेका वाङले अमेरिकाले ‘तथाकथित ‘लोकतन्त्र’ को आडमा आफ्नो देशको सार्वभौमसत्ता उल्लङ्घन गरेको आरोप पनि लगाए । उनले ताइवानका पृथकतावादी र अमेरिका विरुद्ध कडा जवाफ दिने वाचा गरे।
विदेशमन्त्री वाङले पेलोसीको भ्रमणलाई ‘बाहिरी प्रहसन’ भनेका छन् ।
आजै चिनियाँ विदेशमन्त्रालमा आयोजित नियमित पत्रकार सम्मेलनमा प्रवक्ता हुआ चुनयिङले ताइवान स्ट्रेट वरपर आफ्नो सैन्य अभ्यास आवश्यक र न्यायपूर्ण भएको जनाएकी छिन् ।
पेलोसीले ताइवान भ्रमण गरेर आफ्नो मुलुकको सार्वभौमिकतामाथि ठाडो हस्तक्षेप गरेको आरोप लगाउँदै चीनले सैन्यअभ्यास न्यायोचित भएको उनले जिकिर गरिन् । ‘चीनको ताइवान नजिकैको समुद्रमा चिनियाँ सेनाले गरेको सैन्य अभ्यास राष्ट्रिय सार्वभौमिकताको रक्षा गर्न आवश्यक र न्यायपूर्ण उपाय हो’ विदेश मन्त्रालयकी प्रवक्ता हुआले ब्रिफिङमा भनिन् ।
उनले अगाडि भनिन्, ‘पेलोसीको ताइवान भ्रमणको अहिलेको सेरोफेरोमा अमेरिका उत्तेजक हो भने चीन पीडित । अमेरिका र ताइवानको संयुक्त उत्तेजना पहिला आयो, त्यसपछि चीनको बचाउ आएको हो ।’
सभामुख पेलोसीको भ्रमणप्रतिचीन क्रुद्ध छ । उसले ताइवानको उत्तरी, दक्षिण पश्चिम र दक्षिणपूर्वमा हवाई र समुद्रमा आक्रमण गर्ने चेतावनी दिएको छ ।
प्रतिक्रिया