२७ पुस २०८१, शनिबार | January 11, 2025

राज्यमन्त्री विमला वली विरुद्ध दाङमा उजुरी आए लगत्तै बुटवल पठाइयो



बुटवल । लुम्बिनी प्रदेश सरकारका स्वास्थ्य राज्यमन्त्री विमला वली बिरुद्ध जिल्ला प्रहरी कार्यालय दाङमा महिला तथा नाबालक कुटपिटको उजुरी परेको छ । मन्त्री वलीको प्रेमी भनिएका तुलसीपुर–५ स्थित एकराज बस्नेतकी श्रीमती मिना भण्डारी बस्नेतले राज्यमन्त्री विमला वलीविरूद्ध जिल्ला प्रहरी कार्यालय दाङमा उजुरी दिएकी छन्।

मिनाले प्रहरीमा दिएको उजुरीमा मन्त्री विमला वलीले आफू र छोरीमाथि अनाहक घरभित्रै पसेर कुटपिट गरेको तथा घरका सरसामान जथाभावी फालिदिएको भन्दै किटानी जाहेरी दिएको दाङ प्रहरीले जनाएको छ ।

आज बिहान मन्त्रलयको सरकारी गाडी र पिएसओ सहित दाङ तुलसीपुर उपमहानगरपालिका वडा नं. ५ आलुमण्डीस्थित एकराजको घर पुगेकी राज्यमन्त्री वलीले एकराज घरमा नभएको बेला उनका श्रीमती मिना तथा नाबालकलाई कटपिट गर्नुका साथै घरमा रहेको कपडा, झ्यालका पर्दाहरु तानेर छरपरस्त पारिदिएकी थिइन् । उग्ररुपमा बस्नेतको घरमा प्रवेश गरि कुटपिट गर्न थालेपछि स्थानीबासीले वलीलाई एकराजकै घरमा थुनिदिएका थिए । कालोमोसो लगाउने तयारीमा जुटेका स्थानीयलाई हटाउँदै प्रहरीले राज्यमन्त्री वलीलाई उद्दार गरेर इलाका प्रहरी कार्यालय तुलसीपुर पु¥याएको थियो ।

विमलाको प्रेमी भनिएका मिनाका पति एकराज बस्नेत भने सम्पर्कविहीन रहेको र खोजी कार्य जारी रहेको प्रहरीले जनाएको छ। अर्काको घरभित्रै पसेर मंगलबार बिहान एकराज पत्नी मिना र उनकी नाबालिक छोरीमाथि कुटपिट गरेपछि झण्डै ४ घण्टा तुलसीपुर प्रहरी नियन्त्रणमा रहेकी स्वास्थ्य राज्यमन्त्री वलीलाई अपरान्ह बुटवल पठाइएको छ।

राज्यमन्त्री वलीलाई पक्राउ गरेको नभइ उत्तेजित स्थानीयबाट जोगाउन प्रहरीले उद्दार गरेको दाङ प्रहरी प्रमुख सुरेश काफ्लेले जानकारी दिएका थिए ।

इलाका प्रहरी कार्यालय तुलसीपुरमा आपसमा छलफल गराई विवाद साम्मे पार्ने प्रयासलाई स्थानीयबासीले असफल पारिदिएका थिए । इलाका प्रहरी कार्यालय तुलसीपुरको गेटमा राज्यमन्त्री विमलाविरूद्ध नाराबाजी र प्रदर्शन हुन थालेपछि दिउँसो पौने १ बजेतिर राज्यमन्त्री वलीलाई जिल्ला प्रहरी कार्यालय घोराही पुर्‍याएको थियो।

वलीलाई दाङमा राखिरहँदा परिस्थिती बिग्रने जस्तो देखिएपछि प्रहरीले मुख्यमन्त्री कुलप्रसाद केसीको निर्देशन भन्दै वलीलाई बुटवल पठाएको हो । प्रहरी स्रोतका अनुसार मुख्यमन्त्री केसीले प्रहरी अधिकारीलाई फोन गरेर विमलालाई बुटवल पठाउन निर्देशन दिएका थिए।

राज्यमन्त्री विमलाले त्यस्तो हर्कत गर्नु पछाडिको कारण के थियोरु भन्ने बारेमा स्पष्ट जवाफ प्रहरी प्रशासनले पनि दिन सकेको छैन।

 

प्रकाशित मिति : ३१ जेष्ठ २०७९, मंगलबार  ६ : ४९ बजे

राष्ट्रिय प्रशारण लाइनले उज्यालो बन्दै मनाङ

मनाङ । मनाङको पर्यटकीय स्थल तिलिचो तालको आधार शिविर (बेस

संसद तालाबन्दी गरेर ल्याएको अध्यादेश राष्ट्रपतिले अस्वीकार गर्नेछन् : सोविता गौतम

काठमाडौं संघीय संसदको हिउँदे अधिवेसन नबोलाएकोमा असन्तुष्टी बढदै गएको छ

प्रेस तथा अभिव्यक्ति स्वतन्त्रताको निर्वाध प्रयोगमा चौतारीको जोड

काठमाडौँ । प्रेस चौतारी नेपालले प्रेस तथा अभिव्यक्ति स्वतन्त्रताको निर्वाध

प्रधानमन्त्री ओलीद्वारा पृथ्वीनारायण शाहप्रति सम्मान प्रकट

काठमाडौँ ।  प्रधानमन्त्री केपी शर्मा ओलीले ३०३ औँ पृथ्वी जयन्तीका

राहुघाटको ‘स्विचयार्ड’ निर्माण सुरू

म्याग्दी । नेपाल विद्युत् प्राधिकरणको सहायक कम्पनी रघुगङ्गा हाइड्रोपावरद्वारा म्याग्दीमा